Hiniwan jaa u ta dë waiwai ta wakiti dee lei dee u ta feni a dee könklësi fuu. U di u kë mbei woto sëmbë ko si tu fa Jehovah bunu tjika, mbei u ta kai hii sëmbë di u sa kai u ko a di könklësi (Ps 34:8). Dee gaanwomi u hii dee kemeente o seti soni fuu sa paati di pampia u di könklësi a hii di pisiwata ka u ta peleiki.

WANTU SONI DI I MUSU HOI A PAKISEI

  • Na un ten di könklësi fuu o hoi?

  • Na un ten woo bigi paati di pampia u di könklësi?

  • Na un ten de ta hoi dee peleikiwooko komakandi?

  • Un maaka mi kë dou te woo paati di pampia u di könklësi?

  • Ambë ku ambë mi kë kai?

ANDI JOO TAKI?

Baka te i da di sëmbë odi, nöö i sa taki:

„U ta paati wan pampia da sëmbë a hii di goonliba u de ko a wan apaiti komakandi di o hoi. Di daka ku di juu ku di kamian sikifi a di pampia. U bi o wai seei ee i ko.”

UNFA I SA HEEPI DEE SËMBË DEE KË KO SABI MÖÖN SONI?

Hii fa u kë kai hia sëmbë ko a di könklësi, tökuseei u musu dë kabakaba fuu sa si dee sëmbë dee kë ko sabi möön soni, fuu sa heepi de.

A sata ku sonde, u sa paati di pampia makandi ku di Hei Wakitimawosu fuu.