Skip to content

Skip to table of contents

 DI LIBI FUU KUMA KEESITU SËMBË

Wan njunjun soni u heepi u fuu bigi peleiki da wan sëmbë

Wan njunjun soni u heepi u fuu bigi peleiki da wan sëmbë

Sensi bigi u jailiba u di jaa 2016, (a Saamakatöngö a bigi a gaanliba) wan pisi de kai „Andi di Bëibel ta taki?” ta ko a baka u di Hei Wakitimawosu. De buta di njunjun soni aki u heepi u fuu bigi peleiki da wan sëmbë. A seti a di wan seei fasi kuma dee talakitaati. Wan hakisi dë di di sëmbë sa piki, nöö wan tëkisi dë tu di ta piki di hakisi. Söseei woto soni dë tu di u sa taki u de.

A lo’ pasa taa te wan sëmbë bi haika di u bi peleiki dëën, nöö bakaten sö wan sëmbë ta ko toon wan studie. Wooko ku di njunjun soni aki u heepi möön hia sëmbë u ko sabi Gadu.Mt 5:6.

DI FASI FA U SA WOOKO KU DI NJUNJUN SONI AKI:

  1. Hakisi di sëmbë unfa a bi o piki wan u dee hakisi

  2. Haika di piki fëën, nöö dëën tangi

  3. Lesi di tëkisi di sikifi a basu u di pisi „Andi di Bëibel ta taki?”, nöö hakisi ën unfa a fusutan di tëkisi. Ee a abi ten jeti, nöö go dou u peleiki dëën. Taki u dee soni dee sikifi a basu u di pisi „Un woto soni u ta lei a di Bëibel?”

  4. Dëën di Hei Wakitimawosu

  5. Seti soni fii go luku ën baka, fuun taki u di u tu hakisi