Skip to content

Skip to table of contents

 DEE GUDU DEE DË A DI WÖUTU U GADU

„Un tuwë dee gadu u dee woto köndë sëmbë”

„Un tuwë dee gadu u dee woto köndë sëmbë”

Jakopu bi sabi taa Jehovah wanwan nöö a bi musu dini ku hii ën hati, hii fa Jehovah an bi buta wan wëti jeti taa sëmbë an musu dini poipoi gadu (Ëki 20:3-5). Fëën mbei, di Jehovah bi piki ën taa a musu toona go a di kamian de kai Bëtëli, hën a bi piki hii dee sëmbë dee bi dë makandi ku ën u de tuwë hii dee poipoi gadu u de. Jakopu bi tuwë hii dee poipoi gadu u dee sëmbë, te kisi dee jesilinga u de seei. U di a kan taa de bi ta bisi dee jesilinga dë kuma tapa (Ke 35:1-4). An dë u taki taa Jehovah bi wai ku Jakopu di a bi du sö wan soni.

Unfa u sa dini Jehovah wanwan nöö a di ten aki? Hën da te wa o ta nama ku poipoi gadu nasö obiawooko. Di soni aki kë taki taa u musu tuwë hii soni di nama ku bonu, söseei u musu öndösuku hii dee soni dee u ta tei u mbei piizii luku ee de an nama ku obia wooko. Kandë i sa hakisi iseei taa: ’Mi lo’ u lesi buku nasö luku fëlön di nama ku azema, dëdë sëmbë, nasö taku jeje u? Dee soni dee mi ta tei u mbei piizii ta mbei soni kuma tofu, wisi, nasö siba ta djei soni di an hogi ö?’ Wa musu nama ku na wan soni di Jehovah ta buuse.​​—Ps 97:10.

LUKU DI FËLÖN „FINGA FUTU DA DIDIBI”, NÖÖ BAKA DI DË, PIKI DEE HAKISI AKI:

  • Un bookohedi di Bëibel studie de kai Palesa bi ko abi?

  • Faandi mbei i musu go suku heepi a dee gaanwomi te taku jeje ta toobi i nasö te a ta toobi wan sëmbë di i sabi nasö wan Bëibel studie fii?

  • Finga futu da Didibi, nöö ko zuntu ku Gadu.​—Jak 4:7, 8

    Ee wan sëmbë kë u Jehovah tjubi ën, nöö un soni di nama ku taku jeje a musu tuwë nasö tjuma?

  • Andi Palesa bi du?

  • Un soni dë a di köndë fii di nama ku taku jeje di i musu ta köni u na go nama ku de?