Skip to content

Skip to table of contents

 DI LIBI FUU KUMA KEESITU SËMBË

Peleiki ku lei sëmbë soni​—A dë fanöudu u mbei sëmbë ko dë bakama u Jesosi

Peleiki ku lei sëmbë soni​—A dë fanöudu u mbei sëmbë ko dë bakama u Jesosi

Jesosi bi piki dee bakama fëën taa de bi musu mbei sëmbë ko dë bakama fëën (Mt 28:19). Fuu sa du di soni aki u musu ta peleiki, söseei u musu lei sëmbë soni. U musu ta hakisi useei taa: ’Unfa mi sa ko sa u’ peleiki, söseei lei sëmbë soni möön bunu, u de sa ko dë bakama u Keesitu?’

PELEIKI

Ka fuu ta wakiti u sëmbë ko a u, u musu ta suku dee sëmbë dee kë haika di bosikopu di u ta paaja (Mt 10:11). U ta suku okasi u fan ku sëmbë di u ta miti te u dë a di peleikiwooko u? (Tja 17:17) Lidia bi ko toon wan bakama u Jesosi u di apösutu Paulosu bi ta peleiki fajafaja da hii sëmbë di a bi ta miti.​—Tja 16:13-15.

„Jaa dee sii fii a mamate, nöö na mbei maun fii böö u te kuma ndeti tapa” (Pel 11:6)

LUKU DI FËLÖN I MUSU TA PELEIKI NÖÖMÖ​DEE SËMBË DEE I TA MITI, KU A SËMBË PISI , NÖÖ PIKI DEE HAKISI AKI:

  • Unfa Samuëli bi ta lei hiniwan daka taa a bi ta suku u paandi sii u di tuutuu lei a sëmbë hati?

  • Faandi mbei u musu ta suku u ta du di peleiki wooko a hii dee peipei fasi fa u ta du ën?

  • Ambë ku ambë i sa ta konda di bunu buka u di Könuköndë da hiniwan daka?

LEI SËMBË SONI

Fuu sa heepi sëmbë u ko dë bakama u Jesosi, nöö na buku nöö u musu ta disa da de. Ee u kë heepi de u de ko sabi möön soni u Gadu, nöö u musu go luku de baka, söseei u musu lei de soni u Bëibel (1Ko 3:6-9). Ma andi u musu du ee u si taa u ta mbei möiti u ta lei wan sëmbë dee tuutuu lei u di Könuköndë, ma an nango a fesi? (Mt 13:19-22) Wë u musu ta mbei möiti nöömö fuu ta suku dee sëmbë dee hati u de dë kuma „bunu doti”.​—Mt 13:23; Tja 13:48.

„Mi paandi, Apolo munjan, ma Gadu hën mbei a göö” (1Ko 3:6)

LUKU DI FËLÖN I MUSU TA PELEIKI NÖÖMÖ​KAMIAN KA HIA SËMBË TA WAKA PASA, KU HEEPI SËMBË U KO DË BAKAMA U JESOSI , NÖÖ PIKI DEE HAKISI AKI:

  • Unfa Solomon ku Mary munjan di sii u di tuutuu lei di bi paandi a Ezekiëli ku Abigail hati?

  • Andi musu dë di maaka fuu te u ta peleiki da sëmbë a hii pei fasi, söseei te u ta peleiki a kamian ka hia sëmbë ta waka pasa?

  • Andi u sa du u lei taa a dë fanöudu seei u lei sëmbë soni u di tuutuu lei?