Skip to content

Skip to table of contents

 DI LIBI FUU KUMA KEESITU SËMBË

I sa da wan baaa nasö wan sisa di an ta ko a zali möön degihati

I sa da wan baaa nasö wan sisa di an ta ko a zali möön degihati

A feifidaka 11 u piki-deewei-liba, sömëni baaa ku sisa di an ta ko a zali möön, o ko te woo mëni di dëdë u Jesosi. De bi bigi u kule di fia kule di sa mbei de feni di libi u teego, ma te u kaba fëën de an bi ta kule möön u di wanlö soni bi tapa de. So u dee soni dë sikifi a di brochure Drai kon baka na Yehovah (Heb 12:1). Ma hiifa so u dee baaa ku dee sisa aki disa u kule, tökuseei de dii a Jehovah wojo jeti, di sëmbë di bai de ku di buuu u di Womi Mii fëën (Tja 20:28; 1Pe 1:18, 19). Unfa u sa heepi de u de toona ko a di kemeente baka?

Dee gaanwomi ta mbei möiti u feni dee baaa ku dee sisa aki sö taa de sa heepi de, leti kumafa wan sikapuma ta mbei möiti u feni dee sikapu fëën dee lasi (Lu 15:4-7). Di soni aki ta lei fa Jehovah lobi de tjika (Jel 23:3, 4). Hii u tuu sa da dee lö sëmbë aki degihati, na dee gaanwomi wanwan nöö. Di möiti di woo ta mbei u lei taa u abi suti fasi, söseei taa u ta booko u hedi ku de, da wan soni di Jehovah ta feni bunu, nöö an o dë u sösö (Nön 19:17; Tja 20:35). Fëën mbei, go pakisei luku ambë i sa da degihati, nöö na biabia u du ën!

LUKU DI FËLÖN DA DEE BAAA KU DEE SISA DEE AN TA KO A KOMAKANDI MÖÖN DEGIHATI, NÖÖ UN PIKI DEE HAKISI AKI:

  • Andi Abbey bi du di a bi miti wan kotoigi di an bi sabi?

  • Faandi mbei a bunu fuu go a dee gaanwomi ee u kë heepi wan sëmbë di an ta ko a zali möön?

  • Unfa Abbey bi seeka hënseei di a bi o go luku Laura di u tu pasi?

  • Unfa Abbey bi lei taa an bi ko wei, ma taa a bi abi pasensi, söseei taa a bi abi lobi di a bi ta mbei möiti u da Laura degihati?

  • Andi u sa lei u di woto u Jesosi di sikifi a Lukasi 15:8-10?

  • Unfa soni bi waka di Abbey ku dee gaanwomi bi wooko makandi u heepi Laura?