Skip to content

Skip to table of contents

 DI LIBI FUU KUMA KEESITU SËMBË

Unfa i sa bigi wan takimakandi ku dee talakitaati

Unfa i sa bigi wan takimakandi ku dee talakitaati

Sensi jailiba u di jaa 2018, hën Di Libi ku di diniwooko fuu kuma Keesitu sëmbë komakandi-buku ta abi wan pisi „Fasi fa u sa bigi wan takimakandi”. De bi da u taanga fuu buta pakisei a di fan di u musu ta fan ku sëmbë ka fuu ta da de wan buku. Dee baaa bi mbei peleikiwooko fëlön sö taa dee peleikima bi sa ko ta peleiki da wan sëmbë ku di Bëibel. Di soni aki kë taki taa wa musu ta da sëmbë buku te u go peleiki a de pisi ö? Na seei! Biga dee talakitaati sa heepi u fuu bigi peleiki da wan sëmbë. U sa wooko ku hiniwan u dee soni dee sikifi a basu aki te woo peleiki ku wan u dee talakitaati:

  1. Buta dee hakisi dee sikifi a di fesi pisi u di talakitaati.

  2. Lei di sëmbë di piki u di hakisi di dë a di Bëibel tëkisi di sikifi a liba u di u tu bladsëidë. Ee ten dë jeti, nöö lesi dee woto soni dee dë a di woto pisi u di talakitaati, nöö u taki u de.

  3. Da di sëmbë di talakitaati, nöö dëën degihati faa lesi dee woto pisi u di talakitaati a wan juu di bunu dëën.

  4. Ufö i go, nöö lei ën di hakisi di dë a di pisi „Pakisei u di soni aki”, nöö seti soni fii sa toona go nëën baka fii lei ën di piki a di Bëibel.

Te i toona go baka, nöö taki u di piki, söseei buta wan hakisi dëën fii sa toona go luku ën baka. I sa tei wan hakisi di dë a di website fuu, nasö di dë a di buku di dë a baka u di talakitaati. Te i feni wan okasi, nöö taki soni u di buku Gadu abi bunu buka da u! nasö wan u dee woto buku dee u ta lei sëmbë soni u Bëibel.