Skip to content

Skip to table of contents

 DI LIBI FUU KUMA KEESITU SËMBË

„Paulosu bi da Gadu tangi hën a feni taanga”

„Paulosu bi da Gadu tangi hën a feni taanga”

Di di kemeente u Loomë jei taa Paulosu ta ko, hën wanlö baaa waka söwan 64 kilomëti go miti ën a pasi. Unfa Paulosu bi si di lei di de bi lei taa de lobi ën aki? Wë „Paulosu bi da Gadu tangi hën a feni taanga” (Tja 28:15). Hii fa u sabi taa Paulosu bi dë wan sëmbë di bi ta da dee kemeente taanga, te a bi go luku de, ma di de bi söötö ën, nöö dee baaa ku sisa hën bi ta dëën taanga.​—2Ko 13:10.

A di ten aki dee keling-gaanwomi nango luku dee peipei kemeente u da dee baaa ku dee sisa taanga. So juu dee baaa ku dee sisa ta wei, de ta abi bookohedi, söseei de ta fii bookosaka tu. Andi i sa du te di keling-gaanwomi ku hën mujëë o ko a di kemeente fii baka, ’fuun da unuseei taanga’?​—Lo 1:11, 12.

  • Go a dee peleikiwooko komakandi. Di keling-gaanwomi ta fii bunu te a ta si taa dee peleikima ta mbei möiti u dë a hii dee soni dee woo du a di wiki di a ko luku u (1Te 1:2, 3; 2:20). I sa du di heepi pioniliwooko a di liba di a o ko a di kemeente fii. I sa buta i në u wooko makandi ku ën nasö ku hën mujëë a di peleikiwooko u, nasö u tja wan u de go a wan studie fii ö? De lo’ u wooko ku peipei peleikima, te kisi dee njunjun peleikima ku dee wan dee an sa’ u peleiki sö bunu jeti.

  • Tei de ku wai a wosu. I sa seeka soni u de duumi a i pisi ö, söseei u boi wan soni da de u de njan u? Di soni aki ta lei di keling-gaanwomi ku hën mujëë taa i lobi de. De an ta luku taa u musu du wan gaan apaiti soni da de.​—Lu 10:38-42.

  • Haika dee soni dee a ta piki u, söseei du de tu. Di keling-gaanwomi ta heepi u a wan lobihati fasi fuu ko sabi unfa u sa dini Jehovah möön bunu. So juu, a o da u wan lai u wan soni di wa du bunu (1Ko 5:1-5). A ta fii bunu te u ta haika, söseei te u ta saka useei.​—Heb 13:17.

  • Lei taa i dë ku tangi. Piki di keling-gaanwomi ku ën mujëë unfa i feni wini di de ko luku di kemeente. I sa piki de ku buka nasö i sa sikifi wan biifi da de nasö i sa da de wan kaita.​—Kol 3:15.