Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  jailiba 2018

 DI LIBI FUU KUMA KEESITU SËMBË

Unfa i sa go seeka di taki ku di wotowan fii ufö?

Unfa i sa go seeka di taki ku di wotowan fii ufö?

Pakisei taa i ta libi a Galilea a di ten u Jesosi. Nöö i go a Jelusalen u go hoi di Tjëkëliba-Piizii. Gaan hia woto dinima u Gadu di kumutu a woto kamian sai dë tu. I kë tjuma wan mbeti da Jehovah. Nöö i hoi wan kaabita a wan tatai ta waka ta pasa a dee sëmbë mindi u go a di Wosu u Gadu. Te i go dou a di Wosu u Gadu, nöö i ta si taa sömëni woto sëmbë sai dë tu di ko u tjuma soni da Gadu. Te wan pisi hën di juu dou fii tja di mbeti fii go da di mindima. Ma a di juu dë i ta toona mëni taa wan baaa fii bi abi wan soni ku i, nöö kandë a dë a dee hia sëmbë mindi dë nasö a dë a di köndë ka i kumutu. Jesosi bi taki andi i musu du. (Lesi Mateosi 5:24.) Unfa ju ku di baaa fii di abi wan soni ku i sa ko ta libi fiifii ku unuseei baka kumafa Jesosi lei u? Wë, maaka di bunu piki a hiniwan u dee pisi a basu aki.

I SA . . .

  • go fan ku di baaa fii ee i si kuma a abi leti u hati fëën boonu

  • pooba u heepi di baaa fii be a pakisei woto fasi, ee i si kuma hii pikipiki soni ta mbei hati fëën ta boonu, nasö konda da woto sëmbë andi pasa

  • haika bunu te di baaa fii ta piki i unfa a fii, aluwasi ja kaba fusutëën, hakisi ën faa da i paadon u di i mbei a fii wan fasi, nasö u di soni di i du di mbei a fii sö

DI BAAA FII SA . . .

  • go suku heepi a wotowan a di kemeente u di a o piki de andi i du ku ën

  • gandji da i, a sa toona piki i hii dee soni dee i du, nöö a sa piki i fii hakisi ën paadon

  • si di degihati ku di sakafasi di i abi u waka ko fan ku ën, nöö i dëën paadon ku hii i hati

Hii fa wa ta tjuma mbeti da Jehovah a di ten aki möön, ma unfa Jesosi bi lei u taa di fasi fa u ta libi ku dee baaa ku dee sisa fuu nama ku di fasi fa Gadu ta si di dini di u ta dini ën?