Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  jailiba 2017

 DI LIBI FUU KUMA KEESITU SËMBË

Na fëëkëtë u begi da dee baaa ku dee sisa fuu di de ta du ku de

Na fëëkëtë u begi da dee baaa ku dee sisa fuu di de ta du ku de

Di Bëibel bi taki a fesi taa Saatan bi o du ku u, u di a kë tapa u fu wa dini Gadu möön (Jo 15:20; Ako 12:17). Unfa u sa heepi dee baaa ku dee sisa fuu di de ta du ku de a woto köndë? U sa ta begi da de. ’Biga te wan sëmbë ta libi bunu kumafa Gadu kë, nöö di begi a ta begi Masa Gadu ta wooko gaan wooko e.’Jak 5:16.

Andi u sa hakisi Jehovah te u ta begi ën? U sa hakisi Jehovah faa da dee baaa ku dee sisa fuu degihati, söseei faa heepi de u de an ta dë fëëëfëëë (Jes 41:10-13). U sa ta begi da dee lanti tu, u de sa da u pasi fuu sa du di peleikiwooko, sö taa u sa ta libi wan „kötökötö libi pii sö”.1Ti 2:1, 2.

Di Paulosu ku Petuisi bi dë a dunguwosu, hën dee baaa ku dee sisa bi ta begi da de, nöö de bi ta kai de në a dee begi u de (Tja 12:5; Lo 15:30, 31). Aluwasi wa sabi di në u hii dee baaa ku dee sisa di de ta du ku de, tökuseei u sa ta kai di në u di kemeente u de, di köndë u de, nasö di pisiwata ka de ta libi.

Sikifi dee në u dee köndë ka de ta du ku dee baaa ku dee sisa, fii sa begi da dee baaa ku dee sisa dë.