Skip to content

Skip to table of contents

 DEE GUDU DEE DË A DI WÖUTU U GADU | GALASIA 4-6

Wan soni di ’dë leti kuma wan nöngö sö’, di kë taki wan soni da u

Wan soni di ’dë leti kuma wan nöngö sö’, di kë taki wan soni da u

4:24-31

Paulosu bi taki u di soni aki di ’dë leti kuma wan nöngö’, u lei unfa di njunjun buka bi möön bunu möön di Wëti u di buka. Te Keesitu ku dee sëmbë dee o tii makandi ku ën o tii, nöö hii libisëmbë o abi di biibi taa de o ko fii u zöndu, u dëdë, söseei de an o ta tjali möön.​—Jes 25:8, 9.

 

HAGALI​—DI SAAFU MUJËË MII

Dee tuutuu Isaëli sëmbë dee bi ta hoi di Wëti u di buka, nöö di mama foto u de bi dë Jelusalen

SALA​—DI MUJËË DI BI FII

Di Jelusalen u liba ala, da di pisi u di ölganisaasi u Gadu di dë a liba ala

DEE „MII” U HAGALI

Dee Dju (dee bi taki taa de o hoi di Wëti u di buka) bi ta du ku Jesosi, nöö de an bi kë tei taa hën da di sëmbë di Gadu manda ko

DEE „MII” U SALA

Keesitu ku dee 144.000 Keesitu sëmbë di salufu ku santa jeje

DI WËTI U DI BUKA BI MBEI SËMBË KO DË SAAFU

Di Wëti di Gadu bi da Mosesi bi ta mëni dee Isaëli sëmbë taa de bi dë saafu u zöndu

DI NJUNJUN BUKA TA MBEI SËMBË KO FII

Te u ta buta biibi a di lusupaima di Keesitu paka da u, nöö woo ko fii u zöndu