Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  höndima-liba 2016

 DEE GUDU DEE DË A DI WÖUTU U GADU | PSALÖM 34-37

Buta futoou a Jehovah, nöö du bunu soni

Buta futoou a Jehovah, nöö du bunu soni

„Na haun ku dee sëmbë dee an ta du soni a wan leti fasi”

37:1, 2

  • Na mbei di waka di soni ta waka bunu da dee hogiduma puu i pakisei a di dini u Jehovah. Ma i musu ta buta pakisei a dee wini dee Gadu o mbei i feni a di biibi, söseei a dee soni dee i kë du a di dini u Jehovah

„Buta futoou a Jehovah, nöö du soni di bunu”

37:3

  • Futoou Jehovah taa a o heepi i te ja sabi andi i musu du nasö te i abi bookohedi. A o heepi i fii hoi iseei nëën

  • Na disa u paaja di bunu buka u di Könuköndë u Gadu

„Ko abi piizii a di dini di i ta dini Jehovah”

37:4

  • Buta ten a wan së fii ta lesi di Wöutu u Gadu, söseei fii sa ta pakisei fundu fëën, u di i kë ko sabi Jehovah möön bunu

„Mbei Jehovah tii i”

37:5, 6

  • Futoou Jehovah ku hii i hati taa a o heepi i ku hiniwan fuka di ta miti i

  • I musu ta tja iseei a wan bunu fasi aluwasi sëmbë ta buuse i, aluwasi sëmbë ta du ku i nasö aluwasi de ta mindi soni da i

„Dë piii te i dë a Jehovah fesi, nöö ta wakiti ën ku hii i hati”

37:7-9

  • Pakisei bunu ufö i go du wan soni, u di a sa mbei taa ja ta piizii möön u dini Gadu, söseei a sa mbei i ku ën an dë mati möön

„Dee sakafasi sëmbë o feni goonliba”

37:10, 11

  • Suku u ko abi sakafasi, nöö ta wakiti Jehovah faa puu hii dee sëmbë dee ta du hogi ku i

  • I musu ta heepi baaa ku sisa, nöö ta da dee sëmbë dee lasi hati taanga, u di i ta konda da de taa di njunjun goonliba di Gadu paamusi u o ko abiti möön

Di Mësiasi Könuköndë o tja gaan bunu ko da libisëmbë