Skip to content

Skip to table of contents

 DI LIBI FUU KUMA KEESITU SËMBË

Da Jehovah pasi faa lei i soni

Da Jehovah pasi faa lei i soni

FAANDI MBEI A DË FANÖUDU: Di Möön Gaan Leima, Jehovah, ta lei u dee möön bunu soni. A ta lei u unfa u musu tooka soni a u libi, söseei a ta seeka u da di gaan bunu ten di dë a u fesi ta ko, nöö an dë fuu paka faa sa lei u dee soni aki! (Jes 11:6-9; 30:20, 21; Ako 22:17) Dee soni dee Jehovah ta lei u ta seeka u fuu sa paaja di bunu buka da woto sëmbë tu, u de sa feni libi.​—2Ko 3:5.

FA U MUSU DU ËN:

  • Mbei möiti fii ko abi sakafasi ku saapifasi.​—Ps 25:8, 9

  • Tei dee lei dee Jehovah ta da i nöunöu kaa. Wan u de, da dee pisi di de ta da i fii hoi a di mindiwiki komakandi

  • Buta maaka di i kë dou a di dini u Jehovah.​—Fp 3:13

  • Tooka soni a i libi fii sa dë kabakaba u Jehovah sa lei möön soni.​—Fp 3:8

LUKU DI FËLÖN DEE WINI DEE U TA FENI TE JEHOVAH TA LEI U SONI, BAKA DI DË, NÖÖ PIKI DEE HAKISI AKI:

  • Andi bi ta taanga da so u dee peleikima dee bi musu go a di Siköö da Könuköndë Peleikima?

  • Andi dee baaa ku dee sisa dee nango a di Siköö da Könuköndë Peleikima ta lei?

  • Unfa dee baaa ku dee sisa u dee kemeente bi heepi dee baaa ku sisa dee bi go a di siköö aki, baka di de bi manda de go a dee njunjun kemeente u de?

  • Andi da dee maaka dee i musu dou fii sa go a di Siköö da Könuköndë Peleikima? (kr-SR bld. 213, 214)

  • Na un woto siköö i sa go a di ölganisaasi u Jehovah?

Un gaan bunu joo feni ee i mbei Jehovah lei i soni?