Skip to content

Skip to table of contents

 DI LIBI FUU KUMA KEESITU SËMBË

Unfa u sa du di diniwooko fuu möön bunu​—Peleiki da dee bookowojoma

Unfa u sa du di diniwooko fuu möön bunu​—Peleiki da dee bookowojoma

FAANDI MBEI A DË FANÖUDU: Dee bookowojoma an lo’ u fan ku sëmbë di de an sabi. Fëën mbei i musu sabi unfa i musu peleiki da de. Jehovah ta booko hën hedi ku dee bookowojoma (Lei 19:14). U sa djeesi ën te u ta mbei möiti u heepi dee bookowojoma u de ko sabi soni fëën.

FA U MUSU DU ËN:

  • „Suku dee bookowojoma”. (Mt 10:11) I sabi wan sëmbë di abi wan famii di wojo fëën booko u? Wan siköö nasö wan kamian di ta luku bookowojoma dë a di pisiwata ka i ta peleiki, di bi o kë buku di de mbei da bookowojoma u?

  • Lei taa i ta booko i hedi ku de. Te i ta fan ku wan bookowojoma a wan suti fasi, söseei te i ta lei taa i ta booko i hedi ku ën, nöö di soni dë o heepi ën fu an fëëë te i ta fan ku ën. Taki u wan soni di pasa a di köndë di o mbei a kë fan ku i

  • Heepi de u de sa feni buku di o mbei de ko sabi Jehovah. Di ölganisaasi fuu mbei buku ku woto soni u heepi dee bookowojoma ku dee sëmbë dee an ta si soni sö bunu. Hakisi de ku un buku de bi o kë lei soni. Di diniwooko gaanwomi o piki di baaa di ta wooko a di bukutafa faa manda tei dee buku di dee bookowojoma kë.

Wan bookowojoma ta lesi wan braille buku, nöö wan wotowan ta wooko ku di masini di de mbei da de u lesi soni nasö u haika soni