Skip to content

Skip to table of contents

 DEE GUDU DEE DË A DI WÖUTU U GADU | MATEOSI 20-21

„Ee wan sëmbë kë ko dë di fosuwan u dee wotowan fëën, nöö a musu dë wan futuboi u de”

„Ee wan sëmbë kë ko dë di fosuwan u dee wotowan fëën, nöö a musu dë wan futuboi u de”

20:28

Dee Sabima u Wëti ku dee Faliseima dee bi abi gaanfasi bi lo’ u dë a wojowojo a dee kamian ka sëmbë bi sa ta si de u ta da de odi

Dee Sabima u Wëti ku dee Faliseima dee bi abi gaanfasi bi ta kë u sëmbë ta si de, söseei de bi ta kë u sëmbë ta hei de (Mt 23:5-7). Jesosi an bi dë sö. ’Mi di ko dë Libisëmbë Mii a goonliba aki, ma ko fu sëmbë musu dini mi e, ma mi ko u dini sëmbë’ (Mt 20:28). U ta möön buta pakisei a so soni u di dini u Gadu di o mbei sëmbë ta buta pakisei a u nasö di o mbei de ta gafa u ö? Ee u kë u Jehovah feni u bunu, nöö woo mbei möiti u dë kuma Jesosi, söseei woo du hii soni di u sa du u heepi wotowan. Dee soni dee woo ta du o ta dë soni di wotowan an ta si, ma di Jehovah wanwan nöö ta si (Mt 6:1-4). Wan dinima u Gadu di abi sakafasi o ta . . .

  • heepi seeka di zali faa ta dë limbolimbo, söseei faa ta dë bumbuu

  • heepi dee sëmbë dee ko gaandi kaa ku dee woto baaa ku sisa

  • da möni u heepi du di wooko u di Könuköndë