Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  gaanliba 2017

 DI LIBI FUU KUMA KEESITU SËMBË

Heepi dee sëmbë fii wosudendu u de ta mëni Jehovah

Heepi dee sëmbë fii wosudendu u de ta mëni Jehovah

Jehovah bi da Jelemia di wooko faa piki dee Dju taa Jelusalen bi o booko kaba a sösö, u di de bi fëëkëtë Jehovah di Gadu u de (Jel 13:25). Unfa a du ko taa dee Isaëli sëmbë bi ko suwaki a di biibi sö? Wë, a kan taa dee sëmbë dee bi ta tei fesi a dee wosudendu an bi ta du di soni di Jehovah bi taki a Detolonomi 6:5-7.

Te dee sëmbë u wan wosudendu taanga a di biibi, nöö dee sëmbë u di kemeente seei ta taanga a di biibi tu. Dee sëmbë dee ta tei fesi a dee wosudendu sa heepi dee sëmbë u de u de ta mëni Jehovah, te de ta hoi di Wosudendu Dini hiniwan wiki, söseei te de ta hoi ën a wan bunu fasi (Ps 22:27). Baka te un luku di fëlön Dee soni mi o piki i aki musu dë a i hati”—Takimakandi ku wantu wosudendu, nöö un piki dee hakisi aki:

  • Andi so wosudendu bi du, u de bi sa ta hoi di Wosudendu Dini hiniwan wiki?

  • Andi da wantu wini di u ta feni te u ta hoi di Wosudendu Dini hiniwan wiki, söseei te u ta hoi ën a wan bunu fasi?

  • Andi da wantu soni di sa tapa mi u na ta hoi di Wosudendu Dini hiniwan wiki, nöö andi mi ta du u dee soni dë an tapa mi?