Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  gaanliba 2016

 MBEI MÖITI U KO TOON WAN MÖÖN BUNU PELEIKIMA

Unfa u sa peleiki möön bunu—Sikifi andi iseei bi o kë taki

Unfa u sa peleiki möön bunu—Sikifi andi iseei bi o kë taki
LUKU
Text
Image

FAANDI MBEI A DË FANÖUDU: De sikifi a di komakandi-buku fuu fa u sa paati dee buku fuu. Ma ja abi fu taki hii soni kumafa de sikifi dë. Kandë i kë du ën wan woto fasi tu, nasö kandë i ta si kuma wan woto soni o möön hai dee sëmbë pakisei a di pisiwata ka i ta peleiki. Ee sö, nöö baka te i kaba lesi di soni di i kë paati da sëmbë, söseei te i luku a di komakandi-buku fuu fa dee baaa sikifi taa u sa du ën, ku te i luku dee fëlön dee ta lei fa u sa paati dee buku fuu, nöö i sa wooko ku dee lai a basu aki fii sa sikifi unfa iseei bi o kë paati di buku.

UNFA U MUSU DU ËN:

Hakisi iseei di soni aki: ’Mi kë paati dee buku fuu leti kumafa a sikifi a di komakandi buku fuu ö?’

AAI

  • Seeka di soni di joo taki. Baka te i da di sëmbë odi, nöö piki ën wante faandi mbei i ko nëën. (I sa taki taa: „Mi ko a i aki u di . . .”)

  • Luku fa joo haba kumutu a di hakisi go a di tëkisi, söseei luku na un ten joo dëën di buku. (I sa taki di soni aki fii sa lesi wan tëkisi da di sëmbë: „I sa feni wan bunu piki di nama ku di hakisi aki a di tëkisi aki.”)

NÖNÖ

  • Tei wan woto di i lobi a di buku, di i si taa o hai sëmbë pakisei a di pisiwata ka i ta peleiki

  • Buta wan hakisi da di sëmbë di o mbei a pakisei fundu, söseei di o mbei a kë fan ku i. Ma na buta wan hakisi di o taanga dëën u piki. (I sa buta dee hakisi dee ta dë a bladsëidë 2 u di Hei Wakitimawosu dëën.)

  • Luku un tëkisi joo lesi dëën.

  • I sa taki wan soni kölö sö u lei di sëmbë un wini a o feni ee a lesi di woto

EE AAI NASÖ NÖNÖ, DU DEE SONI AKI

  • Seeka wan hakisi di i sa buta da di sëmbë di joo sa piki te joo toona go luku ën.

  • Sikifi wantu soni di o heepi i sö taa ja fëëkëtë dee soni dee i kë taki te joo toona go luku di sëmbë