Skip to content

Skip to table of contents

 DEE GUDU DEE DË A DI WÖUTU U GADU | ËSITË 6-10

Ësitë an bi pakisei hënseei nöö, ma a bi hopo taki da Jehovah ku dee sëmbë fëën

Ësitë an bi pakisei hënseei nöö, ma a bi hopo taki da Jehovah ku dee sëmbë fëën
LUKU

Di hopo di Ësitë bi hopo taki da Jehovah ku dee sëmbë fëën, bi lei taa a bi abi degihati, söseei taa an bi ta pakisei hënseei nöö

8:3-5, 9

  • Ësitë ku Moodekai bi feni tjubi. Ma di wëti di Haman bi mbei u de kii hii dee Dju, bi ta paaja a hii dee köndë di di könu bi ta tii

  • Ësitë bi go a di könu söndö u di könu kai ën, nöö di soni aki bi sa mbei a lasi hën libi. A këë begi könu be a puu di wëti be de an kii dee sëmbë fëën

  • Te de bi mbei wan wëti, nöö di könu bi naki sitampu nëën, nöö sö wan wëti an bi musu puu möön. Fëën mbei di könu bi da Ësitë ku Moodekai pasi u de mbei wan njunjun wëti

Jehovah bi mbei dee sëmbë fëën wini di feti

8:10-14, 17

  • De bi bai basia taa de bi mbei wan njunjun wëti di ta da dee Dju pasi u feti u tjubi deseei

  • Bosikopuma bi tei hasi go paaja di buka hesihesi a hii dee köndë di di könu bi ta tii, nöö dee Dju bi tei seeka da di feti

  • Sömëni sëmbë bi si gbelingbelin taa Gadu bi dë ku dee Dju, hën de bia tei di Dju biibi