Skip to content

Skip to table of contents

 DI LIBI FUU KUMA KEESITU SËMBË

Unfa u sa wooko ku di buku Andi di Bëibel sa lei u?

Unfa u sa wooko ku di buku Andi di Bëibel sa lei u?

Di Lei-buku ku di Bëibel lei-buku dë di wan. Ma di Lei-buku an dë a saamakatöngö jeti. Ku hii de tu u ta lei sëmbë soni u Bëibel. Dee seei soni hën sikifi a de, nöö de seti a di wan seei fasi. Ma di Lei-buku ta taki soni a wan fasi di an taanga u fusutan. De mbei ën da dee sëmbë dee a ta taanga da u fusutan di Bëibel lei-buku. Di Lei-buku abi wan pisi a kaba fëën, ka de sikifi wantu soni di de taki möön sati. Nöö dee soni dë ta heepi sëmbë u de fusutan wan woto möön bunu. Hakisi an dë a bigi u wan woto, söseei wan pisi u luku baka andi u bi lei, an dë a kaba u wan woto tu. Ma wan pisi „Soni di taki sati”, dë a kaba u hiniwan woto. Nöö a ta taki kölö sö u dee tuutuu lei u Bëibel dee u bi luku a di woto. Leti kumafa u ta paati di Bëibel lei-buku da sëmbë hiniwan juu, sö nöö u sa du ën ku di Lei-buku tu, aluwasi nëën u musu paati di liba dë. Unfa u sa wooko ku dee peipei pisi u di buku aki te u ta lei wan sëmbë soni u Bëibel?

SONI DI TAKI SATI: Da gaansë u sëmbë, di lesi di u ta lesi dee palaklafu a di Bëibel lei-buku ta buta dee hakisi da de, bunu da de kaa. Ma unfa a dë ee wan studie an ta kaba fusutan di töngö di di peleikima ta lei ën soni nëën, nasö ee an sa lesi ën sö bunu? Te a dë sö, nöö i sa lei ën soni ku di Lei-buku. I sa wooko ku di pisi „Soni di taki sati” di ta dë a kaba u hiniwan woto, u lei ën soni. Kandë di soni dë sa dëën taanga faa go lesi hii di woto hënseei. I sa lei ën wan u dee tuutuu lei u Bëibel aki a söwan 15 miniti dendu. U di di pisi di dë a kaba u di woto an ta taki u hii soni finifini kumafa a dë a di woto, mbei di peleikima musu seeka hënseei bunu a fesi, söseei a musu ta hoi a pakisei unfa a sa heepi di studie. Ma, ee di peleikima o luku hii di woto seei ku di sëmbë, nöö a sa wooko ku di pisi „Soni di taki sati” a kaba u di studie, u luku baka andi de bi lei.

PISI A KABA U DI BUKU: A kaba u di buku i abi di pisi di ta taki u dee möön fanöudu soni dee dë a dee woto. Nöö de ta dë baka-na-baka kumafa dee woto seei dë baka-na-baka a di buku. Te di peleikima ta lei di sëmbë soni u Bëibel, nöö a sa luku ee a o taki u dee möön fanöudu soni dee dë a kaba u di Lei-buku.