Skip to content

Skip to table of contents

 DI LIBI FUU KUMA KEESITU SËMBË

I ta feni wini u di piki buku Öndösuku Gadu Wöutu hiniwan daka u?

I ta feni wini u di piki buku Öndösuku Gadu Wöutu hiniwan daka u?

I abi di guwenti u ta lesi di tëkisi ku di piki di ta dë a di buku Öndösuku Gadu Wöutu hiniwan daka fii ku Jehovah sa ko dë möön gaan mati ö? Ee ja ta du ën, i sa seti soni fii ta du ën hiniwan daka u? Sömëni sëmbë ta lesi ën hiniwan daka a mamate, sö taa de sa ta pakisei fëën te de ta du dee woto soni u de a di daka dendu (Jos 1:8; Ps 119:97). Ma unfa i sa feni möön wini u di tëkisi u di daka? Lesi dee woto vers dee dë a di kapitë u di tëkisi u di daka dë, fii ko sabi möön soni fëën. Pooba u pakisei u wan woto a Bëibel di o heepi i fii fusutan di soni di di tëkisi kë lei u. Baka di dë, du di soni di i lei. Te i ta mbei di Wöutu u Gadu ta tii i a hii soni di i ta du, nöö joo sabi unfa i musu libi, söseei a o mbei soni ta waka bunu da i.​—Ps 119:105.

Hii dee sëmbë dee ta wooko a Bëtëli ta lesi di piki buku Öndösuku Gadu Wöutu hiniwan daka, a mamate te de ta njan. A dee jaa pasa aki, nöö de buta sömëni u dee taki di de ta hoi a di daka wöutu a JW Broadcasting a di pisi APAITI KOMAKANDI KU GAAN KOMAKANDI. Na un ten bi dë di lasiti pasi di i bi luku wan nasö möön leki wan u dee taki aki? Kandë dee soni di joo jei a so u dee taki aki da soni di i abi tuutuu fanöudu. Unfa di woto u Lotu bi o sa heepi i te i kë du wan soni?

LUKU DI FËLON NA LOBI DI GOONLIBA (1JO 2:15), BAKA DI DË, NÖÖ PIKI DEE HAKISI AKI:

  • Un mama wëti u Bëibel bi tii di taki di de bi hoi a di daka wöutu u di mamate aki?

  • Unfa di woto u Lotu ta lei u un hogi sa miti u te u lobi di goonliba nasö dee soni u di goonliba?​—Ke 13:12; 14:12; 19:3, 12, 13, 24-26

  • Unfa u ta lei taa u lobi Jehovah, ma na di goonliba nasö dee soni dee dë a di goonliba?

Unfa mi sa lei a hii di daka taa di Wöutu u Gadu dë gaan soni da mi?