Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  bakajailiba 2018

 DEE GUDU DEE DË A DI WÖUTU U GADU | MATEOSI 18-19

Köni be ja mbei iseei nasö woto sëmbë naki futu

Köni be ja mbei iseei nasö woto sëmbë naki futu

Jesosi bi konda woto u lei u faandi mbei a dë fanöudu u luku bunu fu wa du soni fuu naki futu nasö fuu mbei wotowan naki futu.

18:6, 7

  • Te wan sëmbë naki futu, hën da wan sëmbë hën du wan soni nasö wan soni pasa di mbei taa a tja hënseei an wan fasi di na fiti nasö di mbei taa a go du wan zöndu

  • A bi o möön bunu u wan sëmbë di mbei wan wotowan naki futu, tai wan sitonu di de ta mbii soni nëën gangaa, nöö de hiti ën go a ze

Wan sitonu di de ta mbii soni

18:8, 9

  • Jesosi bi piki dee bakama fëën u de koti de maun puu nasö u de diki de wojo puu ee a ta mbei de naki futu

  • A bi o möön bunu fii lasi wan kamian fii sinkii ma i go a di Könuköndë u Gadu, ka fii dë ku ën jeti, nöö i go a Gehena, di kë taki taa joo dëdë u teego

Un soni sa mbei mi naki futu, nöö unfa mi sa ta köni u ma mbei miseei, nasö wan wotowan naki futu?