Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  bakajailiba 2018

 DI LIBI FUU KUMA KEESITU SËMBË

Unfa u sa du di diniwooko fuu möön bunu​—Buta bunu hakisi

Unfa u sa du di diniwooko fuu möön bunu​—Buta bunu hakisi

FAANDI MBEI A DË FANÖUDU: Ee „dee pakisei u wan sëmbë hati dë kuma fundu wata”, nöö dee hakisi fii o dë kuma wan buketi u ba de tja ko a liba (Nön 20:5). Te u ta buta hakisi, nöö u ta heepi di sëmbë faa fan tu. Te u ta buta bunu hakisi, nöö u ta ko sabi fa di sëmbë ta pakisei. Jesosi bi ta buta bunu hakisi. Unfa u sa djeesi ën?

FA U MUSU DU ËN:

  • Buta hakisi u ko sabi andi wan sëmbë ta pakisei. Jesosi bi buta hakisi da dee bakama fëën faa bi ko sabi andi de bi ta pakisei (Mt 16:13-16; be-SR bld. 238 pal. 3-5). Un hakisi i sa buta da wan sëmbë fii ko sabi andi a ta pakisei?

  • Hakisi di o heepi wan sëmbë u fusutan di soni di i kë lei ën. Di Jesosi bi kë heepi Petuisi faa tooka di fasi fa a bi ta pakisei, hën a bi buta hakisi dëën di bi heepi Petuisi faa ko fusutan di soni di a bi kë lei ën (Mt 17:24-26). Andi da wan fasi fa u sa hakisi sëmbë wan soni faa sa fusutan di soni di u kë lei ën?

  • Gafa di sëmbë. Baka di wan leima u wëti bi piki a wan „köni fasi”, hën Jesosi bi gafëën (Mk 12:34). Andi i sa taki u gafa wan sëmbë te a piki wan hakisi?

LUKU DI FOSU PISI U DI FËLÖN DU DI WOOKO DI JESOSI BI DU​—LEI SËMBË SONI, NÖÖ PIKI DEE HAKISI AKI:

  • Faandi mbei di fasi u lei sëmbë soni aki na wan bunu fasi, hii fa dee soni di di baaa ta lei di sëmbë da tuutuu soni?

  • Faandi mbei na konda nöö u musu konda wan soni da wan sëmbë, nöö a kaba?

LUKU DI U TU PISI U DI FËLÖN, NÖÖ PIKI DEE HAKISI AKI:

  • Unfa di baaa bi ta buta hakisi a wan bunu fasi?

  • Un woto soni a bi du di u sa djeesi ën?

Unfa sëmbë ta fii te u ta lei de soni? (Lu 24:32)