Skip to content

Skip to table of contents

 DEE GUDU DEE DË A DI WÖUTU U GADU | JESAAJA 63-66

Njunjun mundu ku wan njunjun goonliba o mbei taa gaan piizii o dë

Njunjun mundu ku wan njunjun goonliba o mbei taa gaan piizii o dë

Jehovah dë sö seiki u di seeka di a o seeka soni ko bunu baka, kumafa a paamusi a Jesaaja 65. Nöö fëën mbei a ta taki fëën kuma a pasa kaa.

Jehovah o mbei njunjun mundu ku wan njunjun goonliba, ka sëmbë an o mëni dee fesiten soni möön

65:17

Andi da dee njunjun mundu?

  • Wan njunjun tii di o tja leti libi ko a goonliba abiti möön

  • Di tii aki seti a di jaa 1914, di Keesitu toon Könu u di Könuköndë u Gadu

Andi da di njunjun goonliba?

  • A dë di libi di sëmbë u peipei köndë, u peipei töngö, ku peipei lö, o ta libi makandi ku deseei, nöö de o dë kabakaba u saka deseei a di njunjun tii u Gadu basu

Unfa a du ko taa sëmbë an o mëni dee fesiten soni möön?

  • Dee soni dee ta mbei u ta booko u hedi, dee ta mbei u ta abi sinkii hati, ku dee soni dee ta mbei u ta fii tjali, an o dë möön

  • Dee sëmbë dee o hoi deseei a Gadu o ta piizii u di libi seei, nöö hiniwan daka di pasa, de o ta abi hia bunu soni u pakisei u di daka dë