Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  bakajailiba 2017

 DEE GUDU DEE DË A DI WÖUTU U GADU | JESAAJA 58-62

„Konda da hii sëmbë na un ten Jehovah o lei sëmbë taa a a’ bunuhati u de”

„Konda da hii sëmbë na un ten Jehovah o lei sëmbë taa a a’ bunuhati u de”

„Di ten di Jehovah o lei sëmbë taa a a’ bunuhati u de”

61:1, 2

  • A dë wan pisiten ka Jehovah ta da dee sakafasi sëmbë di okasi u de buta pakisei a di buka di a ta mbei dee sëmbë fëën ta paaja taa sëmbë sa ko fii

  • A di ten u dee fosuten Keesitu sëmbë, nöö di ten dë bi bigi a di jaa 29 Ba.K., di Jesosi bigi du di diniwooko fëën a goonliba aki. Nöö di ten dë bi ko a wan kaba a ’di daka di Gadu bi puu di hatiboonu fëën a sëmbë liba’ a di jaa 70 Ba.K., di dee Loomë sëmbë bi booko Jelusalen kaba a sösö.

  • A di ten fuu aki, di ten dë bigi a di jaa 1914, di Jesosi toon Könu a liba ala, nöö a o dë te go dou di daka u di gaan fuka

Jehovah da dee sëmbë fëën dee „gaan pau di ta du soni a wan leti fasi” u heepi de

61:3, 4

  • Dee möön gaan pau ta göö bandja ku bandja a matu, ka hiniwan u dee pau u di matu ta hoi di otowan fu an kai

  • Dee gaan lutu u de ta pasa a deseei basu nasö a deseei liba, nöö a ta heepi de u de an hön kai te gaan ventu ko

  • Dee gaan pau aki ta da dee pikiwan kötö, nöö dee uwii u de di ta kai ta mbei di goon ko möön bunu, sö taa dee piki pau sa ta göö bunu

Hii dee baaa ku dee sisa fuu a hii së u goonliba ta feni wini u di tjubi ku di heepi di dee salufu baaa dee dë a goonliba aki ta da de. Dee baaa aki dë kuma „gaan pau di ta du soni a wan leti fasi”