Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  baimatu-liba 2016

Fasi fa u sa paati dee buku fuu

Fasi fa u sa paati dee buku fuu

DI HEI WAKITIMAWOSU

Hakisi: Ee di Bëibel kumutu a Gadu tuutuu, nöö aluwasi andi libisëmbë du, de an o sa feni ën poi kaba a sösö. Na sö nö?

Tëkisi: Jes 40:8

Dëën: Di Hei Wakitimawosu aki ta taki unfa sëmbë bi suku u poi di Bëibel kaba a sösö, ma de an bi sa.

DI HEI WAKITIMAWOSU (woto di dë a baka)

Hakisi: Mi bi o kë jei unfa i ta pakisei u di hakisi aki. [Lesi di fosu hakisi di dë a bladsëidë 32.] So sëmbë ta biibi taa libisëmbë hën ko ku keiki soni. Wotowan ta biibi taa Gadu ta wooko ku keiki u hai u fuu ko zuntu ku ën. Unfa ii ta si ën?

Tëkisi: Jak 1:27

Dëën: Di Hei Wakitimawosu aki ta lei u andi Bëibel ta taki u di soni aki. Mi bi o feni ën bunu ee mi bi sa toona ko a i baka fuu sa taki u wantu soni di sikifi a di buku aki.

GADU ABI BUNU BUKA DA U!

Hakisi: Sömëni sëmbë ta feni taa te de ta lesi dee tjabukama woto dee sikifi a Bëibel, nöö dee soni dë de ta si ta pasa te de ta lesi kolanti. Undi u dee tjabukama woto aki i bi si nasö jei taa pasa tuutuu?

Tëkisi: 2Ti 3:1-5

Dëën: Di buku aki ta konda da u faandi mbei dee soni dee u ta si ta pasa da bunu buka da dee sëmbë dee lobi Gadu. [Taki u wantu soni u hakisi 2 di dë a woto 1.]

SIKIFI ANDI ISEEI BI O KË TAKI

Luku fa de sikifi taa u sa paati dee buku fuu, nöö sikifi a di pisi aki unfa iseei bi o kë paati de tu