Skip to content

Skip to secondary menu

Jehovah Kotoigi

Saamakatöngö

Unfa i ta si di ten di ta ko?

Unfa i ta si di ten di ta ko?

I si kuma di goonliba . . .

  • an o tooka u?

  • o ko möön hogi ö?

  • o ko möön bunu ö?

 DI BËIBEL TA TAKI TAA

„Gadu . . . o feki hiniwan wojowata puu a de, nöö dëdë an o dë möön. Na wan sëmbë o tjali nasö bai kai wolo, söseei pen an o de möön. Dee awoo soni dee bi dë tuu, pasa go kaa.”Akoalimbo 21:3, 4, New World Translation.

DEE WINI DEE I SA FENI

Joo ta du wooko di ta da i piizii.Jesaaja 65:21-23.

Siki ku pena an o dë möön.Jesaaja 25:8; 33:24.

Joo sa abi wan piizii libi ku i famii ku dee mati fii u teego.Psalöm 37:11, 29.

 U SA BIIBI TUUTUU ANDI DI BËIBEL TA TAKI Ö?

Aai, u tu soni hedi:

  • Gadu abi di makiti u du dee soni a paamusi. A di Bëibel Jehovah wanwan tö de ta kai „di makiti Gadu u mundu”, u di a a’ kaakiti pasa maaka (Akoalimbo 15:3). Fëën mbei u sa taki taa a sa du dee soni a paamusi, u mbei di goonliba ko möön bunu. Kumafa di Bëibel ta taki „nöö soni seei an dë di hën [Gadu] an sa du.”Mateosi 19:26.

  • Gadu kë du dee soni dee a paamusi seei. Wë Jehovah ta „hangi” seei u weki dee dëdë sëmbë ko a libi baka.Jöpu 14:14, 15.

    Söseei di Bëibel ta lei u taa di Womi Mii u Gadu, Jesosi, bi kula siki sëmbë. Faandi mbei a bi ta du di soni dë? U di a bi kë heepi sëmbë (Maikusi 1:40, 41). Jesosi bi kë heepi sëmbë tuutuu kumafa hën tata kë heepi sëmbë di dë a fuka.Johanisi 14:9.

    Fëën mbei u sa dë seiki taa Jehovah ku Jesosi kë heepi u u abi wan piizii libi a di ten di ta ko!Psalöm 72:12-14; 145:16; 2 Petuisi 3:9.

 PAKISEI U DI SONI AKI

Unfa Gadu o tooka di goonliba ka u dë aki ko möön bunu?

Di Bëibel ta piki di hakisi aki a MATEOSI 6:9, 10 ku DANIËLI 2:44.