Skip to content

Skip to secondary menu

Jehovah Kotoigi

Saamakatöngö

Unfa i ta si di Bëibel?

Unfa i ta si di Bëibel?

I bi o taki taa . . .

  • a dë wan buku di bakaa sikifi ö?

  • a dë wan buku ku woto di sëmbë mindi ö?

  • a dë di Wöutu u Gadu ö?

 DI BËIBEL TA TAKI TAA

„Gadu seei wë mbei sëmbë sikifi hii dee soni dee dë a Gadu Buku.”2 Timoteo 3:16, New World Translation.

DEE WINI DEE I SA FENI

I sa feni bumbuu piki u dee möön fanöudu soni di sëmbë ta hakisi deseei.Nöngö 2:1-5.

I sa ko sabi unfa i musu libi a di hii daka libi fii.Psalöm 119:105.

I sa ko abi tuutuu houpu da di ten di ta ko.Loomë 15:4.

 U SA BIIBI TUUTUU ANDI DI BËIBEL TA TAKI Ö?

Aai, u dii soni hedi:

  • Hii dee pisi u Bëibel ta kai a wan. Söwan 40 sëmbë bi sikifi di Bëibel a wan pisiten u 1600 jaa. Gaansë u de an bi libi a di wan pisiten. Ma tökuseei hii dee pisi u di Bëibel ta kai a wan, nöö de ta taki u wan fanöudu woto!

  • Sikifima di taki soni kumafa de pasa tuutuu. Sikifima u di ten aki an lo’ u taki u feti di di köndë u de lasi. Ma dee sikifima u Bëibel dë woto fasi. De ta taki u dee föutu di deseei mbei, söseei dee föutu di dee sëmbë u di köndë u de mbei tu.2 Kloniki 36:15, 16; Psalöm 51:1-4.

  • Tjabukama woto di u sa futoou. Di Bëibel bi taki söwan 200 jaa a fesi u di booko di di awooten foto Babilon bi o booko kaba a sösö (Jesaaja 13:17-22). An ta taki u di fasi fa de bi o booko di foto kaba sösö nöö, ma a ta taki söseei u di sëmbë di bi o wini di köndë tei tu!Jesaaja 45:1-3.

    Sömëni woto tjabukama woto u Bëibel bi pasa finifini seei kumafa de bi taki de a fesi. Wë an ta foondo u seei, u di a dë di Wöutu u Gadu.2 Petuisi 1:21.

 PAKISEI U DI SONI AKI

Unfa di Wöutu u Gadu sa mbei i libi ko möön bunu?

Di Bëibel ta piki di hakisi aki a JESAAJA 48:17, 18 ku 2 TIMOTEO 3:16, 17.