Skip to content

Skip to table of contents

 WOTO 01

Unfa di Bëibel sa heepi i?

Unfa di Bëibel sa heepi i?

Gaansë fuu ta hakisi soni di nama ku di libi, ku di pena ku di fuka di u ta tja, u di dëdë di u ta dëdë, söseei u di ten di ta ko. U ta booko u hedi ku dee soni dee ta pasa hiniwan daka tu. U ta hakisi useei ee naasë u sa feni möni tjika fuu sa libi, söseei unfa u sa abi wan piizii wosudendu libi. Sömëni sëmbë ko si taa na heepi nöö di Bëibel ta heepi de u de ko sabi dee möön fanöudu soni, ma a ta da de bunu lai di sa heepi de a di hii daka libi u de. I si kuma di Bëibel sa heepi hiniwan sëmbë u?

1. Andi da wantu hakisi di u sa feni piki u de a di Bëibel?

Di Bëibel ta piki dee fanöudu hakisi aki: Unfa di libi bigi? Faandi mbei u dë a libi? Faandi mbei dee bunuhati sëmbë ta tja pena ku fuka? Andi ta pasa ku wan sëmbë te a dëdë? Ee hii sëmbë kë fuu ta libi fiifii ku useei, nöö faandi mbei sömëni feti ta feti? Andi o pasa ku di goonliba a di ten di ta ko? Di Bëibel ta da u di taanga fuu suku dee piki u dee hakisi aki, nöö milionmilion sëmbë feni kötöhati di de ko sabi dee piki u dee hakisi aki.

2. Unfa di Bëibel sa heepi u fuu abi wan bunu libi?

Di Bëibel ta da u bunu lai. A ta lei u unfa sëmbë u wan wosudendu sa ta dë waiwai. A ta piki u andi u sa du te u abi bookohedi, söseei unfa u sa ta piizii u di wooko di u ta du. Joo lei möön soni di di Bëibel ta lei u a dee woto aki, söseei joo lei möön soni te woo luku dee woto aki makandi. Joo ko si taa „hii dee soni dee dë a Gadu Buku” o tja wini ko da i.​2 Timoteo 3:16.

Di buku aki an ta tei di Bëibel kamian. Ma a ta da i taanga fii iseei öndösuku di Bëibel. Fëën mbei u ta da i taanga fii lesi dee tëkisi dee joo si a dee woto aki, nöö maaka de luku ee de ta kai ku dee soni dee i lei.

 WOTO SONI DI I SA LEI

Boo luku unfa di Bëibel bi heepi woto sëmbë, unfa i musu lesi di Bëibel fii sa feni wini nëën, söseei boo luku faandi mbei i musu hakisi sëmbë u de heepi i fii fusutëën.

3. Di Bëibel sa tii u

Di Bëibel dë kuma wan batilëi di ta tuwë faja limbo da u. U sa lesi di Bëibel fuu ko sabi andi u musu du, söseei fuu ko sabi andi o pasa a di ten di ta ko.

Lesi Psalöm 119:105, nöö piki dee hakisi aki:

  • Unfa di sëmbë di sikifi di psalöm aki bi ta si di Bëibel?

  • Unfa ii ta si di Bëibel?

4. U sa feni dee piki u dee soni dee u kë sabi a di Bëibel

Wan mujëë bi ko feni dee piki u dee hakisi dee a bi kë sabi, dee bi ta toobi ën sömëni jaa longi. A bi feni de a di Bëibel. Pëë di FËLÖN, nöö piki dee hakisi aki.

  • Un soni di mujëë bi ta hakisi hënseei a di fëlön?

  • Unfa di lei di a bi ta lei soni a di Bëibel bi heepi ën?

Di Bëibel ta da u taanga fuu ta hakisi soni. Lesi Mateosi 7:7, nöö piki di hakisi aki:

  • Un hakisi i bi o kë feni piki fëën a di Bëibel?

 5. I sa ko lobi di Bëibel u lesi

Sömëni sëmbë lo’ u lesi di Bëibel, nöö de ta feni wini fëën. Pëë di FËLÖN, nöö piki dee hakisi aki.

  • Unfa njönkuwan ta si di lesi di de musu ta lesi te i pakisei di fëlön di u bi luku djunsu dë?

  • Faandi mbei de ko ta pakisei woto fasi nöunöu te a nama ku di lesi di de ta lesi di Bëibel?

Di Bëibel sa da u kötöhati, söseei a sa da u houpu. Lesi Loomë 15:4, nöö piki di hakisi aki:

  • I bi o kë ko sabi möön soni u dee paamusi a di tëkisi aki ö?

6. Woto sëmbë sa heepi u fuu fusutan di Bëibel

Sömëni sëmbë ko si taa de ta möön fusutan di Bëibel te de ta taki andi de lei ku wotowan, möön leki te de lesi ën de wanwan. Lesi Tjabukama 8:26-31, nöö piki di hakisi aki:

  • Andi sa heepi u fuu ko fusutan di Bëibel?​—Luku vers 30 ku 31.

Di Etiopia womi bi abi sëmbë fanöudu u heepi ën faa fusutan di Wöutu u Gadu. Sömëni sëmbë a di ten aki ta taki taa a ta heepi de te de ta taki soni u di Bëibel ku wotowan

SO SËMBË TA TAKI TAA: „I ta lasi i ten te i ta lei soni a di Bëibel.”

  • Andi ii bi o taki?

 ANDI I LEI?

Di Bëibel abi lai di sa heepi u fuu abi wan bunu libi, a sa heepi u fuu feni dee piki u dee möön fanöudu hakisi, söseei a sa da u kötöhati.

Andi i bi o piki?

  • Un pei lai u sa feni a di Bëibel?

  • Andi da wantu hakisi di di Bëibel ta piki?

  • Andi i bi o kë lei a di Bëibel?

Pooba di soni aki

WOTO SONI DI I SA LUKU

Lesi di woto aki fii si unfa dee lai u di Bëibel sa heepi u a di ten aki.

„Dee lei u Bëibel ta bunu da u hii juu” (Di Hei Wakitimawosu, Nö. 1 2018)

Luku di fëlön aki fii si unfa di Bëibel bi heepi wan womi di bi ta fii kuma an bunu tjika sensi di a bi dë piki mii.

Bëibel heepi mi u mi ko abi wan möön bunu libi 2:53

Lesi di woto aki fii si un bunu lai Bëibel ta da sëmbë u wan wosudendu.

„12 sani di e yepi wan osofamiri fu de koloku” (Ontwaakt!, Nö. 2 2018)

Luku di fëlön aki fii si ambë di Bëibel ta taki taa ta tii di goonliba tuutuu.

Faandi mbei u musu lei soni u Bëibel?​—Di langa wan 3:14