Skip to content

Skip to secondary menu

Skip to table of contents

Jehovah Kotoigi

Saamakatöngö

Haika Gadu nöö joo libi u teego

 PISI 8

Andi di dëdë u Jesosi kë taki da i?

Andi di dëdë u Jesosi kë taki da i?

Jesosi dëdë sö taa u sa libi. Johanisi 3:16

Dii daka baka di Jesosi dëdë, wan tu mujëë bi go a di geebi ka de bi bei ën, ma na wan soni bi sai dë möön. Jehovah bi weki Jesosi puu a dëdë.

Bakaten, Jesosi bi mbei dee apösutu fëën si ën.

Awa, Jehovah bi weki Jesosi baka faa libi kuma wan makiti jeje di an sa dëdë möön. Dee bakama u Jesosi bi si fa a bi ta hopo sii go a hemel.

 Gadu weki Jesosi baka, nöö a butëën kuma Könu u di Könuköndë u Gadu. Daniëli 7:13, 14

Jesosi tuwë di libi fëën u paka di lusupaima da libisëmbë (Mateosi 20:28). Di lusupaima dë, hën mbei taa Gadu sa da u di libi u teego.

Jehovah buta Jesosi kuma Könu u tii hii di goonliba. Hën ku 144.000 sëmbë di hoi deseei a Gadu, nöö di toona weki u go libi a hemel, o tii makandi. Jesosi ku dee 144.000 sëmbë o dë makandi a di bumbuu tii u Gadu di dë a hemel. Hën da di Könuköndë u Gadu.​—Akoalimbo 14:1-3.

Di Könuköndë u Gadu o mbei taa di goonliba toon wan paladëisi. Feti, hogidu, pooti fasi, ku gaan hangi an o dë möön. Sëmbë o dë ku piizii seei.​—Psalöm 145:16.