Skip to content

Skip to secondary menu

Skip to table of contents

Jehovah Kotoigi

Saamakatöngö

Haika Gadu nöö joo libi u teego

 PISI 7

Ambë Jesosi bi dë?

Ambë Jesosi bi dë?

Jehovah bi manda Jesosi ko a goonliba. 1 Johanisi 4:9

Ee u kë taa Jehovah feni u bunu, nöö u musu haika wan woto apaiti sëmbë tu. Gaanduwe ufö Jehovah mbei Adam, a bi mbei wan makiti jeje a hemel.

Bakaten, Jehovah bi mbei de pai di womi mii aki a Betelehem. Wan mujëë de kai Malia, di an bi duumi ku womi wan daka, bi pai di mii dë. De bi kai ën Jesosi.​—Johanisi 6:38.

Di Jesosi bi dë a goonliba, a bi söi fa a bi abi dee fasi u Gadu. A bi a’ bunuhati u sëmbë, a bi lobi sëmbë, nöö sëmbë bi lo’ u go nëën tu. An bi ta fëëë u lei wotowan soni u Jehovah.

 Jesosi bi ta du bunu soni, ma de bi buuse ën. 1 Petuisi 2:21-24

Dee hedima u keiki bi buuse Jesosi biga a bi ta puu dee falisi lei ku dee taku fasi u de ko a döö.

Söseei Jesosi bi ta kula siki sëmbë, nöö a bi weki so sëmbë di bi dëdë tu.

Dee hedima u keiki bi mbei dee Loomë sëmbë fon Jesosi, nöö de mbei de kii ën tu.