Skip to content

Skip to secondary menu

Skip to table of contents

Jehovah Kotoigi

Saamakatöngö

Gadu abi bunu buka da u!

 WOTO 15

Faandi mbei i musu ta lei soni u Jehovah go dou?

Faandi mbei i musu ta lei soni u Jehovah go dou?

1. Unfa di lei di joo ta lei soni u Bëibel go dou o tja wini ko da i?

Aan misi taa wan tu u dee fanöudu lei u Bëibel di i ko sabi, mbei di lobi di i abi da Jehovah ko möön taanga. I musu ta wooko taanga u mbei di lobi dë göö ko möön bigi (1 Petuisi 2:2). Ee i kë feni di libi u teego, nöö i musu ta lei soni u Gadu go dou nöömö a di Wöutu fëën di o mbei i ko zuntu ku ën.​—Lesi Johanisi 17:3; Judasi 21.

Te i ta ko sabi möön hia soni u Gadu, nöö di biibi fii o ko möön taanga. Biibi o heepi i fii du soni u Gadu feni i bunu (Hebelejën 11:1, 6). Di biibi fii o da i kaakiti u tjali u dee zöndu dee i bi du, söseei u tooka soni a i libi di sa tja wini ko da i.​—Lesi Tjabukama 3:19.

2. Unfa wotowan sa feni wini u dee soni dee i lei u Gadu?

I sa ko dë gaan mati u Jehovah

Joo kë paati dee soni dee i lei ku wotowan, u di hii u tuu lo’ u konda bunu njunsu da wotowan. Te i ta lei soni u Bëibel hii juu, nöö joo lei fa i sa wooko ku di Bëibel u konda soni finifini u di biibi di i ta biibi a Jehovah, söseei u konda soni finifini u di bunu buka.​—Lesi Loomë 10:13-15.

Gaansë u sëmbë ta bigi konda soni u di bunu buka da de mati ku de famii. Ma i musu du ën a wan köni fasi. Ka fii piki de taa di biibi u de an bunu, nöö a bi o möön bunu fii konda da de andi ku andi Gadu paamusi u. Söseei hoi a pakisei taa di fasi fa i ta tja iseei abi möön kaakiti a sëmbë liba möön dee soni i ta taki.​—Lesi 2 Timoteo 2:24, 25.

3. Unfa i ku Gadu sa ko dë?

Di lei i ta lei soni u Gadu Wöutu o heepi i fii göö a di biibi. Te u kaba fëën, joo ko abi wan apaiti matifasi ku Jehovah.  I sa ko dë tuutuu wan sëmbë di dë famii fëën.​—Lesi 2 Kolenti 6:18.

4. Unfa i sa nango a fesi nöömö?

I sa nango a fesi a di biibi te i ta lei soni u Gadu Wöutu nöömö (Hebelejën 5:13, 14). Hakisi wan Jehovah Kotoigi u lei i soni u Bëibel ku di buku Andi di Bëibel ta lei u tuutuu? Möön i ta lei soni u Gadu Wöutu, möönmöön soni o ta waka bunu a i libi.​—Lesi Psalöm 1:1-3; 73:27, 28.

Di bunu buka kumutu a Jehovah, di piizii Gadu. I sa ko möön zuntu ku Jehovah te i ta ko möön zuntu ku dee sëmbë fëën (Hebelejën 10:24, 25). Te i ta mbei möiti hii juu u du soni u Jehovah feni i bunu, nöö joo feni di tuutuu libi, hën da di libi u teego. Di möön bunu soni di i sa du, da di ko di i musu ta ko möön zuntu ku Gadu.​—Lesi 1 Timoteo 1:11; 6:19.