Skip to content

Skip to secondary menu

Skip to table of contents

Jehovah Kotoigi

Saamakatöngö

Ambë ta du di kë u Jehovah a di ten aki?

 Woto 7

Unfa dee komakandi fuu seti?

Unfa dee komakandi fuu seti?

Njunjun Zeeland

Japan

Uganda

Lituania

A dee fosu kemeente, Keesitu sëmbë bi ta kanda, ta begi, ta lesi di Bëibel, söseei de bi ta taki fëën makandi tu (1 Kolenti 14:26). Di wan seei fasi fa soni bi seti a dee kemeente u fosuten, sö nöö soni seti a dee kemeente u di ten aki tu.

Dee soni u ta lei kumutu a Bëibel, nöö de ta heepi u te u ta wooko ku de. Hiniwan sata nasö sonde hii sëmbë u dee kemeente ta ko makandi u haika wan Bëibel-taki di ta hoi a 30 miniti dendu. Di taki aki ta heepi u fuu si fa u musu libi, söseei a ta lei u na un ten u ta libi. Hii sëmbë ta kisi degihati u lesi tëkisi a de Bëibel te di taki ta hoi. Baka di taki aki, nöö i abi di Waktitoren-lei di ta hoi wan juu longi, nöö hii sëmbë u di komakandi ta kisi di okasi u da wan piki a di pisi di woo luku a di Waktitoren. Di takimakandi u di Waktitoren ta heepi u u mbei di Bëibel tii u libi. Di wan seei soni u ta lei a dee möön leki 110.000 kemeente a hii goonliba.

U ta kisi lei fuu sa lei sëmbë soni möön bunu. U abi wan komakandi a mindi wiki tu di paati a dii pisi. Di fosu pisi da di Kemeente Bëibel-lei, di ta hoi a 30 miniti dendu ka wan baaa ta buta hakisi, nöö sëmbë ta da piki. A ta heepi u fuu sa ko fusutan dee lei u Bëibel ku dee woto u dee tjabukama u Gadu möön bunu. Di u tu da di Teokalasia-siköö di ta hoi a 30 miniti dendu. A ta bigi ku wan takimakandi u wan pisi u Bëibel di u bi musu lesi a fesi. Sëmbë di ta tei paati a di siköö ta hoi wan tu sati pisi taki. Baka di dë, nöö di siköö gaanwomi o lei de wan tu soni di o heepi de u de sa lesi möön bunu, söseei u de sa fan möön bunu tu. Di u dii da di Diniwooko Komakandi, di ta hoi a 30 miniti dendu. A di komakandi dë sëmbë ta hoi taki, u ta si demo söseei de ta hoi takimakandi ku so peleikima. Nöö dee soni aki ta lei u fa u sa lei wotowan soni u Bëibel.

Te i ko a dee komakandi fuu, joo foondo seei u si fa joo kisi bunu lei di kumutu a di Bëibel.Jesaaja 54:13.

  • Andi i ta pakisei taa i sa jei a dee komakandi u Jehovah Kotoigi?

  • Na undi u dee komakandi di u ta hoi hiniwan wiki i bi o kë ko?