Skip to content

Skip to table of contents

 WOTO 19

Mbei möiti u dou dee sëmbë hati

Mbei möiti u dou dee sëmbë hati

Nöngö 3:1

DI SONI DI I MUSU DU: Heepi dee haikama u de ko fusutan unfa dee soni di de lei dë fanöudu tjika, söseei u de du andi de lei.

FA I MUSU DU ËN:

  • Heepi dee haikama u de öndösuku luku faandi mbei de ta biibi wan soni. Buta hakisi da dee haikama u heepi de u de go pakisei luku faandi mbei de ta biibi wan soni, nasö ta du wan soni.

  • Be dee haikama ko fusutan taa i ta futoou de taa de sa du bunu soni. Da dee haikama degihati u de öndösuku luku faandi mbei de ta du bunu soni. Heepi de u de fusutan faandi mbei de musu lobi Jehovah, lobi woto sëmbë, söseei faandi mbei de musu lobi dee lei u Bëibel. Heepi de u de si un wini de o feni te de ta du andi di Bëibel ta taki. Na mbei de fii kuma i ta kuutu de. Ka fii taki soni di o mbei de fii wan fasi, nöö taki soni di o da de taanga u du bunu soni, a kaba u di taki fii.

  • Buta pakisei a Jehovah. Piki de unfa dee lei u Bëibel, dee mama wëti ku dee wëti u Bëibel, ta lei u un fasi Gadu abi, söseei unfa a lobi u tjika. Da dee haikama degihati u ko sabi unfa Jehovah ta pakisei, söseei unfa de sa du soni di ta kai ku ën.