Skip to content

Skip to table of contents

 WOTO 14

Heepi sëmbë u de ko fusutan dee möön fanöudu soni

Heepi sëmbë u de ko fusutan dee möön fanöudu soni

Hebelejën 8:1

DI SONI DI I MUSU DU: Heepi dee haikama u de fusutan di taki fii. Be de si unfa hii dee fanöudu pisi u di taki fii nama ku di soni di i kë lei de, söseei ku di në u di taki fii.

FA I MUSU DU ËN:

  • Sabi un maaka i kë dou ku di taki fii. I musu luku ee di taki fii da u mbei sëmbë ko sabi wan soni, u mbei de dë seiki u wan woto, nasö u da de taanga u du wan soni. Sölugu taa hii dee fanöudu pisi u di taki fii heepi i fii dou di maaka dë.

  • Be a dë gbelingbelin u jei fuun soni di taki fii nango. A hii di taki fii dee haikama musu sa fusutan fuun soni i ta taki. Fii sa du di soni aki, nöö ta kai so u dee wöutu u di në u di taki fii hiniwan juu baka.

  • Be dee möön fanöudu soni ko gbelingbelin a fesi, nöö de an musu taanga u fusutan. Taki finifini u dee möön fanöudu soni di nama ku di në u di taki fii, nöö du ën a di juu di sikifi. Di taki fii an musu abi hia hedipakisei poi. Be dee haikama fusutan dee fanöudu pisi gbelingbelin, wakiti piki sö ufö i bigi taki u wan woto hedipakisei, nöö be dee haikama fusutan taa joo bigi taki u wan woto hedipakisei.