Skip to content

Skip to table of contents

 WOTO 12

Lei taa i ta fii da sëmbë, söseei taa i ta booko i hedi ku de

Lei taa i ta fii da sëmbë, söseei taa i ta booko i hedi ku de

1 Tesalonika 2:7, 8

DI SONI DI I MUSU DU: Lei taa i ta fii da sëmbë, nöö be de si taa i kë heepi de tuutuu.

FA I MUSU DU ËN:

  • Pakisei dee haikama fii. Te i ta seeka iseei, nöö pakisei un bookohedi ta miti dee haikama fii. Pooba u fusutan unfa de ta fii.

  • Luku bunu andi joo taki. Mbei möiti u taki soni di o da de kötöhati, di o da de degihati, söseei di o mbei de fii bunu. Na taki soni di o mbei sen kisi de. Na taki hogi u sëmbë di an ta dini Jehovah, nöö na kuutu di biibi u de tu.

  • Lei taa i ta booko i hedi ku sëmbë. Di fan di joo fan a wan suti fasi ku dee soni di joo ta mbei ku i maun, musu mbei dee haikama si taa i ta booko i hedi ku de tuutuu. Luku unfa joo buta i fesi. I musu ta lafu ten na ten.