Skip to content

Skip to secondary menu

Jehovah Kotoigi

Saamakatöngö

Dëdë sëmbë sa toona libi baka tuutuu ö?

Dëdë sëmbë sa toona libi baka tuutuu ö?

I bi o piki . . .

  • aai ö?

  • nönö u?

  • kandë u?

 DI BËIBEL TA TAKI TAA

„Te sëmbë dëdë de o toona weki baka”.Tjabukama 24:15, Gadu Buku.

DEE WINI DEE I SA FENI

I sa kisi kötöhati te sëmbë fii dëdë.2 Kolenti 1:3, 4.

Ja o ta fëëë dëdë möön.Hebelejën 2:15.

I sa ko abi wan tuutuu houpu taa i ku dee sëmbë fii dee dëdë sa miti baka.Johanisi 5:28, 29.

 U SA BIIBI TUUTUU ANDI DI BËIBEL TA TAKI Ö?

Aai, u dii soni hedi:

  • Gadu hën da u libi. Di Bëibel ta kai Jehovah Gadu „di sëmbë di ta da libi” (Psalöm 36:9; Tjabukama 17:24, 25). A musu u dë sö taa di Sëmbë di mbei hii libilibi soni, abi di kaakiti u weki wan sëmbë di bi dëdë.

  • Gadu bi weki sëmbë di bi dëdë kaa. Di Bëibel abi aiti woto u sëmbë di bi libi a goonliba aki, njönkuwan ku gaanwan, womi ku mujëë tuu di bi dëdë, nöö di bi toona ko a libi baka. So u de an bi dëdë longi seei, ma wan u de bi dëdë te de bi bei ën a geebi fö daka longi kaa!Johanisi 11:39-44.

  • Gadu kë weki dëdë sëmbë baka seei. Jehovah ta buuse dëdë, a ta si ën kuma wan felantima (1 Kolenti 15:26). A ta „hangi” u wini di felantima dë seei, u di a o puu dëdë te a o weki sëmbë baka. A kë weki dee sëmbë dee dë a dee geebi seei, nöö a kë si de a libi baka a goonliba aki.Jöpu 14:14, 15.

 PAKISEI U DI SONI AKI

Faandi mbei u ta gaandi, ta dëdë?

Di Bëibel ta piki di hakisi aki a KENESESI 3:17-19 ku LOOMË 5:12.