Skip to content

Skip to secondary menu

Skip to table of contents

Jehovah Kotoigi

Saamakatöngö

Di Hei Wakitimawosu (u lei soni a komakandi)  |  tanvuuwata-liba 2016

I ta si taa a dë fanöudu fii go a fesi a di biibi ö?

I ta si taa a dë fanöudu fii go a fesi a di biibi ö?

„I musu ta lesi dee wöutu u Masa Gaangadu da dee sëmbë nöömö. I musu ta konda di buka fëën da de, ta leti de finifini a dee soni u Masa Gaangadu.”1 TIMOTEO 4:13.

KANDA: 45, 70

1, 2. (a) Unfa dee soni dee sikifi a Jesaaja 60:22 ta pasa tuutuu a di ten u di kaba u di goonliba aki? (b) Un gaan wooko u musu du nöunöu a di ölganisaasi u Jehovah di dë a goonliba aki?

„WAN piki kulupu o toon wan kulupu u dusudusu sëmbë, nöö di piki kulupu sëmbë, o toon gaan hia sëmbë” (Jesaaja 60:22). Di soni di sikifi a di tëkisi aki ta pasa tuutuu a di ten u di kaba u di goonliba aki. A di jaa 2015, nöö söwan 8.220.105 dinima u Jehovah bi paaja di bunu buka u di Könuköndë a hii së u goonliba! Gadu bi taki a fesi fa dee sëmbë fëën bi o ko hia tjika, di a bi taki taa: „Mi, Jehovah, o mbei di soni aki pasa hesihesi te di juu fëën dou.” Fëën mbei möön dee ten ta pasa, möönmöön hii u tuu o abi wooko u du. U ta du hii soni di u sa du u paaja di bunu buka, söseei u lei sëmbë soni u di bunu buka u? Sömëni baaa ku sömëni sisa ta du di heepi pioniliwooko ku di kowoonu pioniliwooko kaa. So u de foloisi go libi a wan woto kamian u de sa heepi ku di peleikiwooko, söseei wotowan ta wooko taanga u mbei Könuköndë zali.

2 Hiniwan jaa söwan 2000 njunjun kemeente ta hopo. Dee  kemeente aki abi gaanwomi fanöudu, söseei de abi dinai fanöudu tu. Hiniwan jaa dusudusu dinai musu ko toon gaanwomi, nöö dusudusu woto baaa musu ko toon dinai tu. A dë gbelingbelin u si taa u musu ta „biinga hiniwanten a di wooko u Masa”, nöö na dee baaa wanwan musu ta biinga u du di wooko aki, ma dee sisa tu.1 Kolenti 15:58.

ANDI I MUSU DU FII SA GO A FESI A DI BIIBI?

3, 4. Andi i ta fusutan te de taki taa i musu go a fesi a di biibi?

3 Lesi 1 Timoteo 3:1. Apösutu Paulosu bi gafa dee baaa dee „kë ko” dë gaanwomi a di kemeente. Ee wan sëmbë kë kisi wan soni di an dë zuntu ku ën, nöö a musu mbei möiti faa feni ën, nasö kandë a musu tëndë hën maun faa sa kisi di soni. Pakisei wan baaa di kë toon wan dinai. Di baaa aki ta fusutan taa a musu mbei möiti u ko abi dee fasi dee Keesitu sëmbë musu abi. Ma baka te a bigi ta wooko kuma dinai a di kemeente, nöö a musu mbei möiti go dou faa sa dou dee maaka u toon gaanwomi tu.

4 So baaa ku sisa ta tooka soni a de libi, u di de kë du möön soni a di dini u Jehovah. So u de kë toon pionili, wotowan kë go wooko a Bëtëli, nasö de kë go heepi mbei Könuköndë zali. Boo luku unfa di Bëibel sa heepi hii u tuu fuu nango a fesi a di biibi nöömö.

I MUSU TA MBEI MÖITI NÖÖMÖ FII NANGO A FESI A DI BIIBI

5. Unfa njönkuwan sa wooko ku di kaakiti u de u mbei di Könuköndë wooko go fesi?

5 Dee njönkuwan sa du möön hia soni a di dini u Jehovah, u di de abi kaakiti, söseei u di de dë gösöntu. (Lesi Nöngö 20:29.) So u dee njönkuwan dee ta wooko a Bëtëli ta heepi doloki dee buku ku dee Bëibel. Sömëni njönku baaa ku sisa ta heepi mbei Könuköndë zali, nasö de ta seeka de mbei baka. So u de nango heepi söndö u sëmbë paka de, te wan gaan hogi pasa a wan kamian. Söseei sömëni njönkuwan di ta du di pioniliwooko ta lei wan woto töngö, nasö de ta foloisi go libi a wan woto kamian u paaja di bunu buka.

6-8. (a) Unfa wan njönku kijoo bi tooka di fasi fa a bi ta pakisei u di dini u Gadu, nöö unfa a bi ko dë bakaten? (b) Unfa u sa ’tesi, nöö u si taa Jehovah bunu’?

6 U lobi Jehovah, nöö u kë dëën di möön bunu soni di u abi. Hii fa u lobi Jehovah, tökuseei u sa fii kumafa di baaa de kai Aaron bi ta fii. A bi ta kë piizii a di dini u Gadu, ma an bi ta piizii. Hii fa Aaron bi nango a dee komakandi, söseei hii fa a bi nango a di peleikiwooko sensi di a bi njönku, tökuseei a bi taki taa: „An bi ta suti da mi te mi bi nango a dee komakandi ku te mi bi nango a di peleikiwooko.” Wë andi a bi du?

7 Aaron bi mbei möiti u ta lesi di Bëibel hiniwan daka, a bi ta seeka hënseei da dee komakandi, nöö a bi ta da piki tu. Söseei a bi bigi ta begi möön hia tu. Hii dee soni aki bi heepi ën faa go a fesi a di biibi. A bi ko sabi Jehovah möön bunu, nöö a bi bigi ko ta lobi ën möön gaanfa tu. Te u kaba fëën, Aaron bi ta piizii awaa. A bi ta du di pioniliwooko, a bi ta heepi te gaan hogi bi pasa a wan kamian, söseei a bi go peleiki a wan woto köndë. Nöunöu a dë wan gaanwomi, nöö a ta wooko a Bëtëli. Unfa a ta si di libi fëën nöunöu? Aaron taki taa: „Mi ’tesi, hën mi si taa Jehovah bunu’. U di Jehovah mbei mi feni gaan bunu, mbei mi dë ku tangi a hati, nöö mi kë du möön soni a  di dini fëën, nöö di soni dë hën ta mbei mi ta feni möön gaan bunu.”

8 Di psalöm sikifima bi taki taa: „Tesi, nöö joo si taa Jehovah bunu.” (Lesi Psalöm 34:8-10.) Awa, te u ta da Jehovah dee möön bunu soni dee u abi, nöö woo ta piizii seei, u di u sabi taa u ta gafa Jehovah. Nöö Jehovah o hoi hënseei a di paamusi di a paamusi u taa a o sölugu u.

NA LASI HATI

9, 10. Faandi mbei a bunu fii ta ’wakiti ku pasensi’?

9 Kandë u kë du möön hia soni a di dini u Jehovah. Ma unfa a dë ee wan hii pisiten kaa u bi ta wakiti fuu feni wan gaandi a di kemeente, nasö u ta wakiti u soni tooka a u libi? Wë a bi o bunu fuu abi pasensi (Mika 7:7). Hii fa Jehovah sa disa di soni di ta miti u faa dë sö go dou, tökuseei u sa dë seiki taa hii juu a o ta heepi u. U sa lei wan soni a di woto u Abahamu. Jehovah bi paamusi ën taa a bi o pai wan womi mii, ma a bi musu wakiti sömëni jaa ufö a bi o pai Isaki. A di pisiten dë, Abahamu bi ta wakiti ku pasensi, nöö na wan daka a bi lasi biibi a Jehovah.Kenesesi 15:3, 4; 21:5; Hebelejën 6:12-15.

10 Wë an dë wan kösökösö soni u ta wakiti wan soni (Nöngö 13:12). Ma ee u ta pakisei di gaandi di u kë kisi nöömö, söseei ee u ta pakisei unfa u ta fii tjika, nöö a sa mbei u fii booko saka seei. Ma a bi o bunu fuu tei di ten dë u suku u ko abi dee fasi dee woo abi fanöudu u tja wan faantiwöutu a di kemeente.

Te u ta pakisei fundu u dee soni dee u ta lesi a di Bëibel, nöö u ta ko dë sëmbë di köni, söseei di ta du soni a wan bunu fasi

11. Un fasi u musu mbei möiti fuu ko abi, nöö faandi mbei dee fasi aki dë fanöudu?

11 Ko abi dee fasi ku di köni di i abi fanöudu. Te i ta lesi di Bëibel ku te i ta pakisei fundu u dee soni dee i ta lesi, nöö joo lei u ko dë wan köni sëmbë, joo lei u ta pakisei bunu u wan soni, söseei joo lei u du soni a wan bunu fasi. Wë dee baaa abi dee fasi aki ku dee köni aki fanöudu u de sa luku di kemeente (Nöngö 1:1-4; Titusi 1:7-9). Te u ta lei soni a di Bëibel, nöö u sa ko sabi unfa Jehovah ta pakisei u sömëni soni. Nöö hiniwan daka u sa wooko ku dee soni dee u lei fuu sa du soni a wan bunu fasi di ta tja gafa ko da Jehovah. Wë woo ko sabi unfa u sa libi ku wotowan, unfa u sa wooko ku di möni fuu, söseei woo ko sabi un piizii bunu ku un soni u sa bisi.

12. Unfa wan baaa nasö wan sisa u di kemeente sa lei taa a dë u futoou?

12 Wooko taanga a hiniwan faantiwöutu di de da i. Di dee sëmbë u Gadu bi ta mbei di wosu fëën, nöö Nehemia bi abi womi sëmbë fanöudu u du dee peipei wooko. A bi tei womi sëmbë di bi abi wan bunu në. A bi sabi taa dee womi aki bi lobi Gadu, nöö a bi sabi taa de bi o wooko taanga u du hiniwan wooko di a bi o da de (Nehemia 7:2; 13:12, 13). Sö nöö a dë a di ten aki. Ee  wan sëmbë dë u futoou, söseei ee a ta wooko taanga, nöö a o abi wan bunu në, söseei de o dëën möön faantiwöutu (1 Kolenti 4:2). Fëën mbei aluwasi u dë wan baaa nasö wan sisa, tökuseei hii juu u musu ta mbei hii möiti fuu sa du hiniwan wooko di de da u.Lesi 1 Timoteo 5:25.

13. Unfa i sa djeesi Josëfu, te wotowan an ta libi bunu ku i?

13 Buta futoou a Jehovah. Andi i sa du ee wotowan an ta libi bunu ku i? Kandë i sa konda da de unfa i ta fii. Ma ee i ta suku nömönömö taa i abi leti, nöö i sa mbei di soni ko möön hogi. U sa lei sömëni soni a di woto u Josëfu. Dee baaa fëën an bi ta libi bunu ku ën. Sëmbë bi mindi soni dëën, hën de butëën a dunguwosu u wan soni di an bi du seepiseepi. Ma Josëfu bi buta futoou a Jehovah. A bi ta pakisei dee soni dee Jehovah paamusi ën, nöö a bi hoi hënseei a Jehovah (Psalöm 105:19). A di pisiten di soni bi ta taanga dëën, hën a bi lei u ko abi sömëni bunu fasi di bi heepi ën bakaten di de bi dëën wan gaan wooko faa du (Kenesesi 41:37-44; 45:4-8). Ee wotowan an ta libi bunu ku i, nöö begi Jehovah be a da i köni. A o heepi i fii hoi iseei, söseei a o heepi fii fan ku de a wan suti fasi.Lesi 1 Petuisi 5:10.

 GO A FESI A DI FASI FA I TA PELEIKI

14, 15. (a) Faandi mbei u musu ta ’mbei möiti nöömö be hii libi fuu dë a tatai liba’ te u luku di fasi fa u ta peleiki? (b) Unfa i sa tooka di fasi fa i ta peleiki? (Luku di peentje a bigi u di woto, ku di pisi „ I dë kabakaba u peleiki a wan woto fasi ö?”)

14 Paulosu bi piki Timoteo taa a bi musu nango a fesi a di fasi fa a bi ta lei sëmbë soni u di Wöutu u Gadu. A bi taki taa: „I musu ta mbei möiti nöömö be hii libi fii dë a tatai liba. Nöö di lei u Gadu di i ta lei sëmbë dë, hënseei musu dë a tatai liba tu e” (1 Timoteo 4:13, 16). Timoteo bi ta peleiki sömëni jaa kaa. Nöö faandi mbei a bi musu go a fesi möön? Timoteo bi sabi taa sëmbë ta tooka, söseei taa soni ta tooka a de libi tu. A bi kë u sëmbë ta haikëën hii juu, nöö fëën mbei a bi musu ta tooka di fasi fa a bi ta lei sëmbë soni. Di wan seei soni u musu ta du a di ten aki te u ta peleiki.

15 Te u nango peleiki a so kamian, nöö u ta si taa sömëni sëmbë an ta dë a wosu. Kandë a woto kamian sëmbë ta dë a wosu, ma wa sa denda go a di kamian ka de ta libi. Ee sö a ta pasa a di pisiwata ka i ta peleiki, nöö i sa suku wan woto fasi u miti dee sëmbë aki.

16. Unfa u sa peleiki möön bunu a kamian ka hia sëmbë ta waka pasa?

16 Sömëni u dee baaa ku dee sisa fuu ta fii bunu seei te de ta peleiki a kamian ka hia sëmbë ta waka pasa. De lo’ u go peleiki ka talanwagi ta tapa, ka besi ta tapa, a wojowojo, söseei a kamian ka sëmbë nango sindo a pau basu. Wan Kotoigi sa bigi fan ku wan sëmbë u wan soni di de bi jei a njunsu. Nasö di Kotoigi sa gafa dee mii u di sëmbë, söseei a sa hakisi ën soni u di wooko fëën. Ee di fan kai ku di sëmbë, nöö di peleikima sa taki wan soni u Bëibel, nöö a sa hakisi di sëmbë unfa a pakisei u di soni dë. A ta pasa möön gaanfa taa sëmbë ta kë sabi möön soni u Bëibel.

17, 18. (a) Andi sa heepi i fu ja fëëë möön u peleiki ka hia sëmbë ta waka pasa? (b) Unfa di fasi fa Dafiti bi ta gafa Jehovah, sa heepi i te i ta du di peleikiwooko?

17 Kandë i ta feni taa a taanga da i u bigi fan ku wan sëmbë a sitaati, u di ja sabi ën. Di soni aki hën bi ta miti wan baaa de kai Eddie, di ta du di pioniliwooko a di foto New York. Ma a bi ko feni wan soni di bi heepi ën faa abi degihati. A bi taki taa: „Te u ta hoi di Wosudendu Dini, nöö mi ku di mujëë u mi ta suku piki u soni di sëmbë ta taki u tapa u, söseei u ta suku piki u dee woto soni di sëmbë ta taki. Nöö u bi ta hakisi woto Kotoigi andi u sa du tu.” Nöunöu Eddie ta kë peleiki ka hia sëmbë ta waka pasa seei.

18 Te u ta dë waiwai a di peleikiwooko, nasö te u ta mbei möiti fuu ta konda soni u di bunu buka da wotowan a wan möön bunu fasi, nöö wotowan o si taa u nango a fesi a di biibi. (Lesi 1 Timoteo 4:15.) Nöö kandë u sa heepi wan sëmbë u ko toon wan dinima u Jehovah. Dafiti bi taki taa: „Mi o gafa Jehovah hii juu. Mi o jabi buka gafëën nöömö. Mi o gafa Jehovah u dee soni di a du. Dee sakafasi sëmbë o jei, nöö de o piizii seei.”Psalöm 34:1, 2.

I MUSU TA GAFA JEHOVAH GO DOU U DI I NANGO A FESI A DI BIIBI

19. Faandi mbei wan dinima u Jehovah di ta hoi hënseei nëën musu ta dë waiwai, hii fa soni an dë kumafa a bi o kë taa a musu dë?

19 Dafiti bi taki tu taa: „Jehovah o, hii dee soni dee i mbei tuu o ta gafa i. Dee sëmbë dee ta hoi deseei a i, o gafa i tu. De o ta konda da wotowan taa i dë wan könu di hei gaanfa. De o ta taki u di makiti di i abi, sö taa sëmbë sa jei dee gaan soni dee i du da u.  De o ta konda da wotowan taa i ta tii kuma könu, söseei taa i hei gaanfa, nöö sëmbë musu gafa i” (Psalöm 145:10-12). Hii dee sëmbë dee lobi Jehovah, söseei dee ta hoi deseei nëën, ta kë konda soni fëën da wotowan. Ma unfa a dë ee wa sa nango ta peleiki da sëmbë a de pisi möön, u di u ko ta suwaki, nasö u di u ko gaandi kaa? Na fëëkëtë taa i ta gafa Jehovah tu te i ta konda soni u Jehovah da dee sëmbë dee i ta miti. Kandë i sa ta fan ku dee data, nasö dee sösutu. Ee i dë a dunguwosu u di biibi fii hedi, tökuseei i sa konda soni u Jehovah da wotowan. Dee soni dë ta mbei Jehovah dë waiwai (Nöngö 27:11). Jehovah ta wai tu te u ta dini ën, hii fa woto sëmbë a di famii fuu an ta dini ën (1 Petuisi 3:1-4). Hii fa soni sa taanga da i seei, tökuseei i sa ta gafa Jehovah, u di joo ta ko möön zuntu ku ën, söseei u di joo nango a fesi a di biibi.

20, 21. Ee i abi möön hia faantiwöutu a di ölganisaasi u Jehovah, nöö unfa i sa ko dë wan sëmbë di ta heepi wotowan?

20 Jehovah o mbei i feni gaan bunu, te i ta ko möön zuntu ku ën, söseei te i ta mbei taanga möiti u dini ën. Kandë te i tooka soni a i libi, nöö joo sa feni okasi u heepi sëmbë u de ko sabi dee waiti soni dee Gadu o du da u. Söseei joo sa heepi dee baaa ku dee sisa fii möön gaanfa. Pakisei unfa dee baaa ku dee sisa o ko lobi i möön gaanfa, te de o si taa i ta wooko taanga a di kemeente!

21 Aluwasi u ta dini Jehovah longi kaa, tökuseei hii u tuu sa ta ko möön zuntu ku Jehovah, söseei hii u tuu sa nango a fesi nöömö. A di woto di ta ko, woo taki unfa u sa heepi wotowan u de du dee soni aki tu.