Skip to content

Skip to secondary menu

Skip to table of contents

Jehovah Kotoigi

Saamakatöngö

Di Hei Wakitimawosu (u lei soni a komakandi)  |  ëlufumu-liba 2016

Andi di Bëibel ta taki?

Andi di Bëibel ta taki?

Gadu ta piki hii begi ö?

I BI O TAKI TAA A TA PIKI DEE BEGI U . . .

  • Hii sëmbë

  • So sëmbë

  • Na wan sëmbë

ANDI DI BËIBEL TA TAKI

„Jehovah dë zuntu ku hii dee sëmbë . . . dee ta bai kai ën ku wan limbo hati.”Psalöm 145:18.

UN WOTO SONI U SA LEI A DI BËIBEL?

  • Gadu an ta haika dee begi u dee sëmbë dee ta hopo fia ku ën (Jesaaja 1:15). Ma de sa „seti soni ko bunu baka” ku ën te de o tooka di fasi fa de ta libi.Jesaaja 1:18.

  • Ee wan sëmbë kë u Gadu piki di begi fëën, nöö di begi fëën musu ta kai ku di kë u Gadu di dë u feni a di Bëibel.1 Johanisi 5:14.

I musu u sindo nasö taanpu a wan apaiti fasi te i ta begi ö?

SO SËMBË TA BIIBI taa hii juu de musu tjökö kini a goon, bendi hedi, nasö de musu doba de maun te de ta begi. Andi ii pakisei?

ANDI DI BËIBEL TA TAKI

Gadu bi haika dee begi u dee sëmbë dee bi dë „sindosindo”, dee bi dë „taanputaanpu”, dee bi dë „kandikandi” nasö dee bi „tjökö kini a goon” (1 Kloniki 17:16; 2 Kloniki 30:27; Ësala 10:1; Tjabukama 9:40). An dë fuu sindo nasö taanpu a wan apaiti fasi te u ta begi.

UN WOTO SONI U SA LEI A DI BËIBEL?