Skip to content

Skip to secondary menu

Skip to table of contents

Jehovah Kotoigi

Saamakatöngö

Di Hei Wakitimawosu (u lei soni a komakandi)  |  gaanliba 2016

Andi di Bëibel ta taki?

Andi di Bëibel ta taki?

Ambë da Didibi?

I BI O TAA Didibi da . . .

  • Wan jeje u?

  • Di hogi di dë a sëmbë hati ö?

  • Wan soni di sëmbë ta pakisei ö?

ANDI DI BËIBEL TA TAKI

Didibi bi fan ku Jesosi, söseei a bi „poobëën” tu (Mateosi 4:1-4). Fëën mbei u sa taki taa Didibi an dë wan soni di sëmbë ta pakisei nöö, söseei an dë wan hogi di dë a sëmbë hati. A dë wan taku jeje.

UN WOTO SONI U SA LEI A DI BËIBEL?

  • Didibi bi dë wan bumbuu ëngëli fosu, ma „an nama wan daka seei a tuu soni möönsö” (Jo 8:44). A bi ko dë wan mindisonima, nöö a bi hopo fia ku Gadu.

  • Woto ëngëli bi go nama ku Saatan.Akoalimbo 12:9.

  • Didibi ta mbei sömëni sëmbë biibi taa an dë tuutuu.2 Kolenti 4:4.

Didibi sa mbei sëmbë du andi a kë u?

SO SËMBË TA TAKI TAA ganjan de ta ganjan sëmbë taa Didibi sa mbei sëmbë du andi a kë. Ma woto sëmbë ta fëëë taa taku jeje sa ko a de liba. Andi ii pakisei?

ANDI DI BËIBEL TA TAKI

„Hii . . . di goonliba aki tuu dë a didibi basu” (1 Johanisi 5:19). Didibi abi taki a libisëmbë liba, ma an sa mbei hii sëmbë du andi a kë.

UN WOTO SONI U SA LEI A DI BËIBEL?