Kalo te përmbajtja

Kalo te menuja dytësore

Kalo te përmbajtja

Dëshmitarët e Jehovait

shqipe e shenjave

Një lajm i mirë nga Perëndia

MËSIMI 10

Si ta dallosh besimin e vërtetë?

Si ta dallosh besimin e vërtetë?

1. A ka vetëm një fe të vërtetë?

«Kini kujdes nga profetët e rremë.»MATEU 7:15.

Jezui u mësoi dishepujve të tij vetëm një fe, fenë e vërtetë. Ajo është si një rrugë që të çon në jetën e përhershme. Jezui tha se ‘pak e gjejnë atë rrugë’. (Mateu 7:14) Perëndia e pranon adhurimin tonë vetëm nëse bazohet në Fjalën e tij të së vërtetës. Gjithë adhuruesit e vërtetë janë të bashkuar në një besim të vetëm.Lexo Gjonin 4:23, 24; 14:6; Efesianëve 4:4, 5.

2. Çfarë tha Jezui për të krishterët e rremë?

«Ata shpallin publikisht se e njohin Perëndinë, por e mohojnë atë me veprat e tyre.»TITIT 1:16.

Jezui paralajmëroi se krishterimi do të korruptohej nga profetë të rremë. Në pamje të parë, ata duken si besimtarë të vërtetë. Kishat e tyre pretendojnë se janë të krishtere. Megjithatë, mund ta njohësh fytyrën e tyre të vërtetë. Si? Vetëm besimi ose adhurimi i vërtetë nxjerr të krishterë të sinqertë me cilësi e sjellje që dallohen qartë.Lexo Mateun 7:13-23.

3. Si t’i dallosh besimtarët e vërtetë?

Mendo për këto pesë shenja identifikuese.

  • Besimtarët e vërtetë e respektojnë Biblën si Fjalën e Perëndisë. Ata përpiqen me gjithë shpirt të jetojnë sipas parimeve të saj. Kështu, feja e vërtetë ndryshon nga fetë që bazohen në ide njerëzore. (Mateu 15:7-9) Besimtarët e vërtetë nuk thonë një gjë dhe pastaj bëjnë një tjetër.Lexo Gjonin 17:17; 2 Timoteut 3:16, 17.

  • Dishepujt e vërtetë të Jezuit nderojnë emrin e Perëndisë, Jehova. Jezui e nderoi emrin e Perëndisë duke e bërë të njohur. I ndihmoi njerëzit të njihnin Perëndinë dhe u mësoi të luteshin që të shenjtërohej emri i Tij. (Mateu 6:9) Aty ku jeton ti, cila fe e bën të njohur emrin e Perëndisë?Lexo Gjonin 17:26; Romakëve 10:13, 14.

  • Të krishterët e vërtetë predikojnë për Mbretërinë e Perëndisë. Perëndia e dërgoi Jezuin të predikonte lajmin e mirë për Mbretërinë. Mbretëria e Perëndisë është e vetmja shpresë e njerëzimit. Jezui nuk reshti së foluri për të deri ditën që vdiq. (Luka 4:43; 8:1; 23:42, 43) Ai tha se dishepujt e tij do të predikonin për Mbretërinë. Nëse dikush vjen e të flet për Mbretërinë e Perëndisë, cilës fe ka shumë të ngjarë t’i përkasë?Lexo Mateun 24:14.

  • Dishepujt e Jezuit nuk janë pjesë e kësaj bote të ligë. Mund t’i dallosh ngaqë nuk përzihen në politikë a konflikte shoqërore. (Gjoni 17:16; 18:36) Gjithashtu, nuk imitojnë veprimet dhe qëndrimet e dëmshme të kësaj bote.Lexo Jakovin 4:4.

  • Të krishterët e vërtetë kanë dashuri të pashoqe për njëri-tjetrin. Ata mësojnë nga Fjala e Perëndisë t’i respektojnë të gjitha grupet etnike. Edhe pse fetë e rreme shpesh kanë përkrahur fuqimisht luftërat e kombeve, besimtarët e vërtetë nuk pranojnë ta bëjnë këtë. (Mikea 4:1-3) Madje, të krishterët e vërtetë janë vetëmohues dhe i përdorin pa u kursyer kohën e gjithçka kanë, që të ndihmojnë e të inkurajojnë të tjerët.Lexo Gjonin 13:34, 35; 1 Gjonit 4:20.

4. A mund ta identifikosh fenë e vërtetë?

Cila fe i bazon të gjitha mësimet te Fjala e Perëndisë, nderon emrin e Perëndisë dhe shpall se Mbretëria e Tij është e vetmja shpresë e njerëzimit? Cili grup fetar e tregon me vepra dashurinë dhe nuk përzihet në luftëra? Si mendon?Lexo 1 Gjonit 3:10-12.