1 KORRIK 2026
RUSI

Nga e majta në të djathtë: vëllezërit Roman Horikov, Juri Horikov dhe Kirill Sevirinçik

«Lutja është ilaçi më i mirë kundër shkurajimit»

LUAJ

Më 19 qershor 2026, Gjykata e Qytetit të Surgutit në Zonën Autonome të Kantë-Mansinskit, Jugra, shpalli fajtorë vëllezërit Roman Horikov, Juri Horikov dhe Kirill Sevirinçik dhe i dënoi respektivisht me 6 vjet e 4 muaj, 6 vjet e 6 muaj dhe 4 vjet vënie në provë.

Të dhëna

Roman Horikovi

Lindur: 1988 (Surgut)

Pagëzuar: 2009

Biografia: Ka punuar si mekanik. U martua me Filijën në vitin 2020. Babai i tij, Juri, është shpallur fajtor në të njëjtën çështje penale

Akuza: Organizon dhe financon aktivitetet e një organizate ekstremiste

Dënimi: 6 vjet e 4 muaj vënie në provë

Komente personale

Çfarë të ka ndihmuar të përballosh këto rrethana të vështira?

Gjatë gjithë kësaj kohe më është dukur sikur kam qenë i lidhur me zinxhirë—në pritje që të na kontrollonin shtëpinë, të ngrinin akuza kundër meje, të më bënin gjyqin e në fund të shpallnin vendimin. Më zinte frymën kjo gjendje pasigurie. Megjithatë kam parë se lutja është ilaçi më i mirë kundër shkurajimit. I zbraz zemrën Jehovait në lutje dhe i shpreh çdo shqetësim e mendim, pastaj i mbaj sytë hapur për të dalluar edhe bekimet më të vogla. Kjo më ndihmon ta mbaj Jehovain në qendër të mendimeve të mia, prandaj ndiej një paqe që nuk ma heq dot askush dhe asgjë.

Juri Horikovi

Lindur: 1967 (Bashkimi Sovjetik)

Pagëzuar: 2004

Biografia: Ka punuar në bankë. U martua me Iradën më 1987. Kanë një djalë dhe një vajzë. Djali i tyre, Romani, është shpallur fajtor në të njëjtën çështje penale

Akuza: Organizon dhe financon aktivitetet e një organizate ekstremiste

Dënimi: 6 vjet e 6 muaj vënie në provë

Komente personale

Çfarë të ndihmon të mos ngecësh në mendime dhe ndjenja negative?

Proverbat 24:10 thotë: «Po të shkurajohesh në ditë të keqe, fuqia jote do të jetë e paktë.» E di se duhet të qëndroj i fortë, prandaj përpiqem vazhdimisht të jem pozitiv. Është e rëndësishme të përqendrohem te shpresa që kam. I kujtoj vetes herë pas here se po jetojmë në fund të ditëve të fundit dhe se këto probleme do të mbarojnë shumë shpejt. Lehtësohem edhe kur i shpreh Jehovait gjithçka që më shqetëson. Gjithashtu i jam shumë mirënjohës gruas dhe vajzës sime. Mbështetja dhe dashuria e tyre që ma tregojnë vazhdimisht me fjalë e me vepra, më jep forcë.

Kirill Sevirinçiku

Lindur: 1997 (Surgut)

Biografia: Ka punuar si elektricist ashensorësh. Disa kohë më parë, babanë e tij, vëlla Artur Sevirinçikun, e shpallën fajtor dhe e dënuan me 6 vjet e 3 muaj vënie në provë

Akuza: Merr pjesë në mbledhjet fetare të Dëshmitarëve të Jehovait

Dënimi: 4 vjet vënie në provë

Komente personale

Çfarë ke mësuar gjatë kësaj periudhe?

Gjatë kësaj sprove, shumë gjëra nuk i kam pasur në dorë. Nga ana tjetër, mundësinë për të vendosur përparësitë e duhura e kam në dorë. Kjo botë po shkon keq e më keq, prandaj edhe unë i kushtoj gjithnjë e më shumë rëndësi Fjalës së Perëndisë. Kjo përfshin të lë kohë të mjaftueshme për të lexuar e medituar rreth Fjalës së Perëndisë. Për sa kohë ta bëj këtë, jam i sigurt se Jehovai nuk do të më braktisë kurrë.

Marrim zemër nga fakti që Jehovai është përherë syçelë ndaj nevojave të shërbëtorëve të tij dhe i gatshëm për t’i ndihmuar e forcuar.—Psalmi 121:3, 4.

Shih edhe

LAJME NDËRKOMBËTARE

Dëshmitarët e Jehovait burgosen për shkak të besimit—Sipas vendeve

Vende ku Dëshmitarët e Jehovait janë burgosur, disa herë në kushte të ashpra, ngaqë praktikojnë besimin e tyre dhe ushtrojnë të drejtat e tyre themelore njerëzore.