«Kundërshtimi nuk do të ma mbyllë gojën»

LUAJ

Më 15 tetor 2025, Gjykata Krahinore e Habezkit në Republikën e Karaçajevo-Sirkasianit shpalli fajtore motër Tatjana Pasinkovin dhe e dënoi me 4 vjet vënie në provë. Për momentin nuk i kërkohet të futet në burg.

Të dhëna

Tatjana Pasinkovi

Lindur: 1965 (Kardonikskajë, Republika e Karaçajevo-Sirkasianit)

Pagëzuar: 2000

Biografia: Ka punuar në një fermë. Ka 3 djem. Djalin e saj të madh, Aleksein, e shpallën fajtor në janar 2025. Ndërsa nusen e tij, Julian, e shpallën fajtore në shtator 2025

Akuza: Merr pjesë në mbledhjet fetare të Dëshmitarëve të Jehovait

Dënimi: 4 vjet vënie në provë

Komente personale

Çfarë të ndihmon të mbash një qëndrim pozitiv?

Më pëlqen natyra, sepse shoh dorën e Jehovait në çdo lule, frutë dhe pemë. Çdo herë jam e mahnitur kur shoh sa Atë i dashur është. Për shembull, madhështia dhe bukuria e maleve më sjellin në mendje atë që ka thënë Jehovai te Ligji i përtërirë 32:4: «Ai është Shkëmbi, e përsosur është çdo gjë që bën, sepse ai gjykon gjithnjë me drejtësi. Një Perëndi besnik që nuk është kurrë i padrejtë; i drejtë dhe i ndershëm është ai.» Marrëdhënia ime me Jehovain është më e fortë se kurrë. Jam e vendosur të jap prova se kundërshtimi nuk do të ma mbyllë gojën. Do të vazhdoj t’i jap lavdi emrit të Tij.

Marrim zemër kur dimë që, ashtu si Tatjana, ne mund të mbështetemi te Jehovai e ta bëjmë ‘kalanë dhe strehën tonë të sigurt’.—Psalmi 18:2.

Shih edhe

LAJME NDËRKOMBËTARE

Dëshmitarët e Jehovait burgosen për shkak të besimit—Sipas vendeve

Vende ku Dëshmitarët e Jehovait janë burgosur, disa herë në kushte të ashpra, ngaqë praktikojnë besimin e tyre dhe ushtrojnë të drejtat e tyre themelore njerëzore.

LAJME