Olga Panjuti po vuan dënimin me burg në Rusi që nga shkurti i vitit 2023

Dëshmitarët e Jehovait burgosen për shkak të besimit—Sipas vendeve

LUAJ

Deri në janar 2026, më shumë se 269 Dëshmitarë të Jehovait anekënd botës janë të burgosur për shkak të besimit.

Neni 18 i Paktit Ndërkombëtar për të Drejtat Civile dhe Politike garanton të drejtën e lirisë së mendimit, të ndërgjegjes dhe të fesë. Mirëpo në disa vende, Dëshmitarëve të Jehovait u mohohet kjo e drejtë. Autoritetet i burgosin dhe i keqtrajtojnë padrejtësisht, ngaqë praktikojnë besimin e tyre ose ngaqë refuzojnë të kryejnë shërbimin ushtarak për shkak të ndërgjegjes.

Rusi

Në prill 2017, Gjykata e Lartë Ruse ndaloi dhe mbylli entet ligjore të Dëshmitarëve të Jehovait, me pretendimin se kryenin aktivitete ekstremiste. Kjo çoi në mbylljen dhe konfiskimin e vendeve të adhurimit, si edhe në ndalimin e literaturës. Pastaj autoritetet filluan t’u viheshin pas individëve Dëshmitarë, duke i trajtuar si aktivitete të paligjshme gjërat që bënin ata për të adhuruar Perëndinë. Bastisjet e policisë shpesh shoqërohen me keqtrajtime të dhunshme, marrje në pyetje dhe arrestime. Aktualisht, të paktën 166 Dëshmitarë të Jehovait janë në qendra paraburgimi, po kryejnë dënime me punë të detyruar ose dënime me burg.

Kliko këtu për të shkarkuar një listë të Dëshmitarëve të Jehovait që janë aktualisht në burg për shkak të besimit në Rusi.

Koreja e Jugut

Më 26 tetor 2020, Koreja e Jugut implementoi programin për shërbimin alternativ civil (SHAC) për ata që refuzojnë ushtrinë për shkak të ndërgjegjes. Mirëpo, ky program është konsideruar ndëshkues ngaqë zgjat 36 muaj, dy herë më shumë se shërbimi ushtarak. Pavarësisht nga çështjet ligjore që e kanë vënë në diskutim këtë program, në vitin 2024 Gjykata Kushtetuese e Koresë së Jugut vendosi se ai është i ligjshëm dhe mund të vazhdojë. Shumica e Dëshmitarëve të Jehovait e kanë zgjedhur SHAC-in, pavarësisht se zgjat shumë dhe se kushtet e punës janë mjaft të këqija. Gjithsesi, deri më tani, 14 vëllezër të rinj kanë refuzuar ta kryejnë këtë lloj shërbimi alternativ. Ndër ta, 1 është në burg dhe disa të tjerë janë në proces gjyqësor, që mund të çojë në burgosjen e tyre.

Kliko këtu për të shkarkuar një listë të Dëshmitarëve të Jehovait që janë aktualisht në burg për shkak të besimit në Korenë e Jugut.

Ukrainë

Për gati 3 dekada, Dëshmitarët e Jehovait në Ukrainë, kanë nxjerrë dobi nga një ligj që u jepte mundësi atyre që refuzojnë ushtrinë për shkak të ndërgjegjes, të kryejnë shërbim alternativ civil. Lufta që nisi më 24 shkurt 2022, nxori në pah se ligji nuk parashikonte mundësinë për këtë lloj shërbimi gjatë periudhës së luftës. Si pasojë, shumë nga ata që kanë refuzuar ushtrinë për shkak të ndërgjegjes, i kanë nxjerrë para gjykatës e pastaj i kanë futur në burg. Aktualisht, 5 Dëshmitarë janë në burg dhe 6 në paraburgim. Tre Raportues Specialë të OKB-së kanë ngritur shqetësime për mungesën e shërbimit alternativ civil.

Kliko këtu për të shkarkuar një listë të Dëshmitarëve të Jehovait që janë aktualisht në burg për shkak të besimit në Ukrainë.

«Kujtoni ata që janë në burgje, sikur të ishit të burgosur me ta.»—Hebrenjve 13:3.