Më 25 shtator 2025, tajfuni Bualoi a në Filipine goditi pjesën lindore të ishullit Samar. Stuhia goditi zonën me reshje të mëdha dhe me erëra që arritën shpejtësinë prej 165 kilometrash në orë. Këto shkaktuan përmbytje, rrëshqitje dheu dhe dëme të mëdha të shtëpive dhe të rrugëve në shumë komunitete. Të dhënat zyrtare tregojnë se rreth 2,1 milionë veta janë prekur. Mjerisht, 13 veta kanë vdekur.

Situata e vëllezërve dhe e motrave

• Asnjë nga motrat e vëllezërit tanë nuk është vrarë ose dëmtuar

• 142 lajmëtarë janë evakuar

• 53 shtëpi janë shkatërruar

• 104 shtëpi kanë pësuar dëme të mëdha

• 187 shtëpi kanë pësuar dëme të vogla

• 1 Sallë Mbretërie ka pësuar dëme të mëdha

• 7 Salla Mbretërie kanë pësuar dëme të vogla

Ndihma në rast katastrofash

• Mbikëqyrësit qarkorë dhe pleqtë vendës po i ngushëllojnë e po u japin zemër nga Shkrimet vëllezërve e motrave, si dhe po u sigurojnë ndihmë praktike të prekurve nga stuhia

• Janë ngritur 3 Komitete të Ndihmës në Rast Katastrofash për të koordinuar punën për dhënien e ndihmës

Gjatë kësaj periudhe të vështirë, jemi të sigurt se Jehovai do të vazhdojë të forcojë motrat e vëllezërit tanë në Filipine që janë prekur nga katastrofa.—Filipianëve 4:13.