Më 30 shtator 2025, një tërmet 6,9 ballësh ka goditur qytetin bregdetar të Bogos, në veri të Filipineve, provinca e Sebusë. Tërmeti erdhi pak ditë pas një tajfuni që shkaktoi dëme të mëdha në pjesën lindore të vendit. Ky tërmet i fuqishëm dëmtoi ose shkatërroi shumë shtëpi, rrugë dhe goxha familje mbetën pa energji elektrike. Autoritetet raportuan se mbi 100.000 banorë u prekën nga tërmeti, përfshirë më shumë se 20.000 veta të cilët u shpërngulën nga shtëpitë e tyre. Afërsisht 500 veta janë lënduar dhe të paktën 72 veta kanë humbur jetën.

Situata e vëllezërve dhe e motrave

• Nuk ka humbur jetën asnjë motër a vëlla

• 4 lajmëtarë janë lënduar

• 154 lajmëtarë janë evakuar

• 18 shtëpi janë shkatërruar

• 24 shtëpi pësuan dëme të mëdha

• 98 shtëpi pësuan dëme të vogla

• 7 Salla Mbretërie pësuan dëme të vogla

Ndihma në rast katastrofash

• Mbikëqyrësit qarkorë dhe pleqtë vendës po u japin zemër nga Shkrimet dhe po u sigurojnë ndihmë praktike vëllezërve e motrave të prekur nga tërmeti

• Është ngritur një Komitet i Ndihmës në Rast Katastrofash për të koordinuar punën për dhënien e ndihmës

Lutemi që Jehovai të vazhdojë të jetë «streha dhe kalaja» e motrave dhe e vëllezërve tanë të dashur në Filipine, ndërsa përballen me pasojat e këtyre katastrofave natyrore.—Psalmi 91:2.