Proverbat 2:1-22

2  Biri im, nëse i pranon fjalët e mia+ dhe nëse i ruan si thesar brenda teje urdhërimet e mia,+  që me veshin tënd t’i kushtosh vëmendje mençurisë,+ për ta prirur zemrën drejt aftësisë dalluese;+  nëse i thërret kuptueshmërisë+ dhe nëse e ngre zërin për aftësi dalluese,+  nëse vazhdon t’i kërkosh si argjendin+ dhe nëse vazhdon të rrëmosh për to si për thesare të fshehura,+  atëherë do të kuptosh frikën+ nga Jehovai dhe do të gjesh njohurinë e Perëndisë.+  Sepse Jehovai jep mençuri+ dhe prej gojës së tij burojnë njohuria dhe aftësia dalluese.+  Për të drejtët, ai do të ruajë si thesar mençurinë;*+ për ata që ecin me integritet, ai është mburojë.+  Ai do t’i këqyrë shtigjet e gjykimit+ dhe do të ruajë udhën e besnikëve të tij.+  Atëherë do të kuptosh drejtësinë, gjykimin dhe ndershmërinë, gjithë udhën e asaj që është e mirë.+ 10  Kur mençuria të hyjë në zemrën+ tënde dhe njohuria të bëhet e këndshme për shpirtin tënd,+ 11  aftësia për të menduar do të të ruajë,+ aftësia dalluese do të të mbrojë,+ 12  për të të çliruar nga udha e keqe,+ nga njeriu që thotë mbrapshti,+ 13  nga ata që e lënë shtegun e drejtësisë për të ecur udhëve të errësirës,+ 14  nga ata që gëzojnë kur bëjnë keq,+ që janë të gëzuar prej mbrapshtisë të së keqes;+ 15  nga ata që kanë shtigje dredharake dhe që janë hileqarë në udhën e tyre;+ 16  për të të çliruar nga gruaja imorale,* nga e përdala+ që flet me fjalë të sheqerosura,+ 17  që e lë mikun e saj të besuar të rinisë+ dhe që e ka harruar besëlidhjen e Perëndisë së saj.+ 18  Sepse poshtë në vdekje fundoset shtëpia e saj dhe poshtë, tek ata që vdekja i ka bërë të pafuqishëm, fundosen shtigjet e saj.+ 19  Asnjë prej atyre që kanë marrëdhënie me të, s’ka për t’u kthyer, as kanë për t’i arritur përsëri shtigjet e atyre që jetojnë.+ 20  Qëllimi është që ti të ecësh në udhën e njerëzve të mirë+ dhe të mbash shtigjet e të drejtëve.+ 21  Sepse vetëm të drejtët do të banojnë në tokë+ dhe të paqortueshmit do të mbeten në të.+ 22  Kurse të ligjtë do të shfarosen nga toka+ dhe të pabesët do të shkulen prej saj.+

Shënime në fund të faqes

Ose «mençurinë praktike».
Fjalë për fjalë «gruaja e huaj, e panjohura».