1 Korintasve 11:1-34

11  Bëhuni imituesit e mi, ashtu si unë jam i Krishtit.+  Tani po ju lavdëroj, sepse në çdo gjë më kujtoni dhe po i mbani fort traditat,+ ashtu siç jua kam përcjellë.  Por dua të dini se kreu i çdo burri është Krishti,+ kreu i gruas është burri,+ dhe kreu i Krishtit është Perëndia.+  Çdo burrë që lutet ose profetizon me kokë të mbuluar, turpëron kreun e vet.+  Kurse çdo grua që lutet ose profetizon+ me kokë të pambuluar, turpëron kreun e saj,+ sepse është njëlloj sikur të ishte një grua me kokë të rruar.+  Nëse gruaja nuk mbulohet, le të qethet edhe ajo. Por, nëse për gruan është e turpshme të qethet a të rruajë kokën,+ le të mbulohet.+  Burri nuk duhet ta ketë kokën të mbuluar, meqë është shëmbëlltyra+ dhe lavdia e Perëndisë,+ kurse gruaja është lavdia e burrit.+  Sepse nuk është burri nga gruaja, por gruaja nga burri.+  Për më tepër, nuk u krijua burri për hir të gruas, por gruaja për hir të burrit.+ 10  Ja përse gruaja duhet të mbajë një shenjë nënshtrimi mbi krye,+ për shkak të engjëjve.+ 11  Mes dishepujve të Zotërisë, as gruaja nuk është pa burrin, as burri pa gruan.+ 12  Sepse, ashtu si gruaja është nga burri,+ po kështu edhe burri është nëpërmjet gruas,+ por gjithçka është nga Perëndia.+ 13  Gjykoni vetë: a i ka hije gruas t’i lutet Perëndisë e pambuluar? 14  A nuk ju mëson vetë natyra që, nëse një burrë ka flokë të gjatë, kjo është çnderim për të, 15  por, nëse një grua ka flokë të gjatë, kjo është lavdi+ për të? Sepse flokët i janë dhënë asaj në vend të një mbulese për kokën.+ 16  Megjithatë, nëse dikush duket se do të hyjë në debat+ për ndonjë zakon tjetër,+ ne s’kemi asnjë tjetër, as kongregacionet e Perëndisë nuk kanë. 17  Tani që po ju jap këto udhëzime, nuk ju lavdëroj, sepse nuk mblidheni për më të mirën, por për më të keqen.+ 18  Në radhë të parë, kur mblidheni në një kongregacion, dëgjoj se mes jush ka përçarje,+ dhe deri në njëfarë mase e besoj. 19  Sepse mes jush duhet të ketë edhe sekte,+ që të miratuarit të duken qartë.+ 20  Kur mblidheni në një vend, nuk është e mundur ta hani si duhet darkën e Zotërisë.+ 21  Sepse, kur vjen koha të hani atë, secili e ka ngrënë që më parë darkën e vet. Kështu, njëri është i uritur, kurse tjetri i dehur. 22  Pa dyshim që keni shtëpi ku të hani e të pini, apo jo?+ Apo e përbuzni kongregacionin e Perëndisë dhe bëni me turp ata që s’kanë gjë?+ Çfarë t’ju them? T’ju lavdëroj? Jo, për këtë nuk ju lavdëroj. 23  Sepse unë mora nga Zotëria atë që ju përcolla edhe juve, se Zotëria Jezu, natën+ që do të tradhtohej, mori një bukë 24  dhe, pasi falënderoi Perëndinë, e theu+ dhe tha: «Kjo përfaqëson trupin tim,+ që është për ju. Vazhdoni ta bëni këtë në kujtimin+ tim.» 25  Pasi hëngri darkën, ai bëri njësoj edhe me kupën+ dhe tha: «Kjo kupë përfaqëson besëlidhjen e re+ në bazë të gjakut tim.+ Vazhdoni ta bëni këtë sa herë që ta pini, në kujtimin+ tim.» 26  Sa herë+ që hani këtë bukë e pini këtë kupë, ju vazhdoni të shpallni vdekjen+ e Zotërisë, derisa ai të mbërrijë.+ 27  Prandaj, kushdo që ha bukën ose pi kupën e Zotërisë padenjësisht, do të jetë fajtor+ për trupin dhe për gjakun+ e Zotërisë. 28  Së pari, njeriu le të shqyrtojë veten nëse është i miratuar,+ dhe pastaj le të hajë nga buka e të pijë nga kupa. 29  Sepse ai që ha dhe pi, ha dhe pi gjykim+ kundër vetes, nëse nuk di të dallojë trupin. 30  Ja përse shumë nga ju janë të dobët e shëndetligë, kurse shumë të tjerë kanë rënë në gjumin+ e vdekjes. 31  Por, sikur të dinim të dallonim se çfarë jemi ne vetë, nuk do të gjykoheshim.+ 32  Megjithatë, kur gjykohemi,+ disiplinohemi nga Jehovai,+ që të mos dënohemi+ bashkë me botën.+ 33  Prandaj, vëllezërit e mi, kur të mblidheni për të ngrënë këtë darkë,+ pritni njëri-tjetrin. 34  Nëse dikush është i uritur, le të hajë në shtëpi,+ që të mos mblidheni për gjykim.+ Kurse çështjet që mbeten, do t’i rregulloj kur të vij atje.

Shënime në fund të faqes