Psalmet 9:1-20

  • Shpallen veprat e mrekullueshme të Perëndisë

    • Jehovai, strehë e sigurt (9)

    • Ata që njohin emrin e Perëndisë kanë besim tek ai (10)

Për mjeshtrin e korit; të luhet në muth-laben.* Këngë e Davidit. א [Alef] 9  O Jehova, me gjithë zemër do të të lëvdoj,për tërë veprat e tua të mrekullueshme do të flas!+   Falë teje do të gëzoj e do të ngazëlloj,për emrin tënd, o Më i Larti, lavde do të këndoj!*+ ב [Beth]   Kur armiqtë e mi të sprapsen,+para teje do të bien e do të shuhen krejt,   sepse ti e mbron çështjen time të drejtë,ti gjykon me drejtësi tek rri ulur në fronin tënd.+ ג [Gimel]   Ke qortuar kombe,+ ke shkatërruar të ligjtë,emrin ua ke fshirë në jetë të jetëve.   Armikun e shkatërrove njëherë e mirëdhe me themel qytetet ia shkule,ndaj çdo kujtim i tij do të bjerë në harresë.+ ה [He]   Por Jehovai rri ulur në fron përgjithmonë;+të patundur e ka bërë fronin, që me drejtësi të gjykojë.+   Po, me drejtësi do ta gjykojë botën*+e për kombet, vendime të drejta gjyqësore do të japë.+ ו [Ua]   Jehovai do të bëhet strehë* e sigurt për të shtypurit,+një strehë e sigurt në kohë vuajtjesh.+ 10  Ata që e njohin emrin tënd, do të kenë besim te ti.+ Ti, o Jehova, nuk do t’i braktisësh kurrë ata që të kërkojnë.+ ז [Zajin] 11  Këndojini lavde Jehovait që banon në Sion! Shpallni mes popujve bëmat e tij!+ 12  Ai do t’i kujtojë të munduarit dhe për gjakun e tyre do të marrë hak;+jo, klithmën e tyre për ndihmë s’ka për ta harruar.+ ח [Heth] 13  O Jehova, ji zemërmirë me mua! Shih sa po vuaj nga ata që më urrejnë! Ti më nxjerr nga portat e vdekjes,+ 14  që në portat e bijës së Sionittë shpall gjithë bëmat e tua të lavdishme+e për dorën tënde shpëtimtare të gëzoj.+ ט [Teth] 15  Kombet janë plandosur në gropën që vetë hapën,këmbët u kanë ngecur në rrjetën që vetë fshehën.+ 16  Jehovai njihet nga gjykimet që jep.+ Të ligun e kanë zënë në lak veprat e duarve të veta.+ Higaion.* (Selah) י [Jod] 17  Të ligjtë do të sprapsen e do të shkojnë drejt Varrit,*po, të gjitha kombet që e harrojnë Perëndinë. 18  Por të varfrit nuk do të lihen në harresë përgjithnjë,+as zemërbutëve s’do t’u shuhen kurrë shpresat.+ כ [Haf] 19  Ngrihu, o Jehova! Mos e lër vdekatarin të triumfojë. U gjykofshin kombet para syve të tu!+ 20  Futju tmerrin, o Jehova!+ Le ta marrin vesh kombet që s’janë veçse vdekatarë. (Selah)

Shënime në fund të faqes

Ose «do të luaj melodi».
Ose «tokën».
Ose «kala».
Ose «Sheolit», pra, varrit të përbashkët të njerëzimit. Shih Fjalorthin.