Psalmet 85:1-13

  • Lutje për pëlqimin e Perëndisë

    • Perëndia do t’u shpallë paqen besnikëve (8)

    • Dashuria takohet me besnikërinë (10)

Për mjeshtrin e korit. Psalm i bijve të Korahut.+ Këngë. 85  O Jehova, sa mirësi i tregove vendit tënd!+ Ia ktheve Jakobit bijtë që ishin në robëri.+   Ia fale fajin popullit tënddhe gjithë mëkatin ia fshive.*+ (Selah)   E përmbajte tërë zemërimin tënd të furishëm;zjarrin e zemërimit tënd e fashite.+   O Perëndi i shpëtimit tonë, na dhuro sërish pëlqimin tënd!* Largoje prej nesh zemërimin tënd!+   A thua do të vlosh përherë nga zemërimi kundër nesh?+ Brez pas brezi do të jesh i zemëruar?   A nuk do të na gjallërosh sërish,që populli yt të gëzojë falë teje?+   O Jehova, na mbulo me dashurinë tënde besnike!+ Na siguro shpëtimin që vjen prej teje!   Fjalët e Jehovait, Perëndisë së vërtetë, do të dëgjoj,se ai do t’i shpallë paqen popullit të tij,+ besnikëve të tij,nëse nuk bien sërish në grackën e vetëbesimit.+   Ai me siguri do t’i shpëtojë ata që e nderojnë thellësisht,*+që në vendin tonë të mbretërojë lavdia. 10  Dashuria* e besnikëria do të takohen bashkë;paqja e drejtësia do të puthen me njëra-tjetrën.+ 11  Besnikëria do të mbijë nga dheu,e drejtësia do të shndritë nga qielli.+ 12  Po, Jehovai do të na mbulojë me të mira*+dhe toka jonë do të japë plot fryte.+ 13  Drejtësia do të ecë para Perëndisë,+e do të hapë një shteg për hapat e tij.

Shënime në fund të faqes

Fjalë për fjalë «ua mbulove».
Ose «na kthe përsëri pranë vetes!»
Fjalë për fjalë «që i frikësohen». Shih Fjalorthin, «Frika nga Perëndia».
Ose «Dashuria besnike».
Ose «begati».