Psalmet 80:1-19

  • Lutje drejtuar Bariut të Izraelit për pëlqimin e tij

    • «O Perëndi, na jep sërish pëlqimin tënd» (3)

    • Izraeli si një hardhi për Perëndinë (8-15)

Për mjeshtrin e korit; sipas melodisë: «Zambakët.» Përkujtues. Psalm i Asafit.+ Këngë. 80  O Barí i Izraelit, ti që i prin Jozefit si të ishte një kope,+ dëgjo! Rrezato,* ti që ulesh në fron mbi kerubinë!*+   Tregoje fuqinë tënde si më parë+para Efraimit, Beniaminit e Manaseut. Eja e na shpëto!+   O Perëndi, na jep sërish pëlqimin tënd!+ Shndrittë mbi ne buzëqeshja jote miratuese, që të shpëtojmë!+   O Jehova, Perëndi i ushtrive,deri kur do të të vlojë zemërimi kundër popullit tënd? Deri kur do ta hedhësh tej* lutjen e tij?+   Ti na ushqen me lot në vend të bukëse na bën të gëlltitim lotët që na shkojnë çurg.   Ti na ke kthyer në mollë sherri për fqinjët tanë;armiqtë na përqeshin si t’u pëlqejë.+   O Perëndi i ushtrive, na jep sërish pëlqimin tënd! Shndrittë mbi ne buzëqeshja jote miratuese, që të shpëtojmë!+   Nga Egjipti ti nxore një hardhi+e për ta mbjellë, përzure kombe.+   Ia bëre gati tokën e ajo lëshoi rrënjë,gjithë vendin e mbushi.+ 10  Me hijen e saj u mbuluan malet,me degët e saj, cedrat e Perëndisë. 11  Degët e saj arritën deri në det,dhe filizat deri te Lumi.*+ 12  Pse ia shembe vreshtit muret prej guri?+ Tani çdo kalimtar mund të këputë frytin e tij.+ 13  Derrat e egër të pyllit e përlajnëdhe kafshët e egra të tokës ushqehen me të.+ 14  O Perëndi i ushtrive, kthehu, të lutem! Ktheji sytë e nga qielli shiko poshtë! Kujdesu për këtë hardhi,+ 15  për kalemin* që mbolli dora jote e djathtë;+hidhi sytë mbi filizin* që e forcove për veten tënde.+ 16  Atë e prenë, e dogjën, e bënë shkrumb e hi;+populli po merr fund nga kërcënimi yt.* 17  I ardhtë në ndihmë dora jote atij që është në të djathtën tënde,birit të njeriut që e forcove për veten tënde!+ 18  Atëherë nuk do të largohemi më nga ti;na lër gjallë, që të thërrasim emrin tënd. 19  O Jehova, Perëndi i ushtrive, na jep sërish pëlqimin tënd! Shndrittë mbi ne buzëqeshja jote miratuese, që të shpëtojmë!+

Shënime në fund të faqes

Ose «Trego shkëlqimin tënd».
Një mundësi tjetër «mes kerubinëve!»
Ose «do të të vlojë zemërimi kundër».
Domethënë, Eufrati.
Ose «degën».
Ose «birin».
Ose «nga vështrimi yt kërcënues».