Psalmi 77:1-20
Për mjeshtrin e korit; të luhet në jeduthun.* Psalm i Asafit.+ Këngë.
77 Me zërin tim do t’i thërras Perëndisë,po, Perëndisë do t’i thërras, dhe ai ka për të më dëgjuar.+
2 Në kohë vuajtjesh kërkoj Jehovain;+natën drejt tij i shtrij duart në lutje pa pushim,*por shpirti* im s’gjen ngushëllim.
3 Ç’mall më pushton kur kujtoj Perëndinë!+
Shpirti më trazohet dhe më sosen fuqitë.*+ (Selah)
4 Prej teje s’vë gjumë në sy;jam aq i turbulluar, sa nuk flas dot.
5 Sjell ndër mend ditët e lashta,+vitet e së shkuarës së largët kujtoj.
6 Gjatë natës kujtoj këngën time;*+bluaj në mendje+ dhe me kujdes hetoj*në kanë përgjigje pyetjet e mia.
7 Vallë, përgjithnjë do të na flakë tej Jehovai?+
Nuk do të kemi më kurrë pëlqimin e tij?+
8 Thua të ketë marrë fund përgjithnjë dashuria e tij besnike?
Vallë asnjë nga brezat nuk do ta shohë premtimin e tij të përmbushet?
9 Mos ka harruar Perëndia të na japë pëlqimin e tij?+
Mos vallë zemërimi ia ka zënë frymën mëshirës së tij? (Selah)
10 A të vazhdoj ende të them: «Ja ç’më mundon:*+
Më i Larti nuk na ndihmon më me të djathtën e tij.»
11 Do të kujtoj veprat e tua, o Jah,po, do të kujtoj veprat e tua të mrekullueshme të kohëve më parë.
12 Do të meditoj për të gjitha veprat e tua,po, për mënyrën si vepron, do të mendoj thellë.+
13 O Perëndi, udhët e tua janë të shenjta.
Cili perëndi është kaq madhështor sa ti, o Perëndi?!+
14 Ti je Perëndia i vërtetë që bën gjëra të mrekullueshme;+ti ua ke treguar forcën tënde popujve.+
15 Me krahun tënd të fuqishëm e ke shpëtuar* popullin tënd,+bijtë e Jakobit dhe të Jozefit. (Selah)
16 Ujërat të panë, o Perëndi,ujërat të panë dhe u turbulluan,+ujërat e thella nisën të trazoheshin.
17 Nga retë ujë vërshoi,qiejt me re të zeza gjëmuane sa andej këtej fluturuan shigjetat e tua.+
18 Bubullima jote gjëmonte+ si rrotat e karrocave;shkrepëtimat e vetëtimave ndriçonin mbarë tokën,+e ajo zuri të dridhej e të lëkundej.+
19 Një udhë përmes detit hape,+një shteg përmes ujërave të shumta,por gjurmët e tua nuk i gjeti askush.
20 Me dorën* e Moisiut dhe të Aronit,+i prive si një kope popullit tënd.+
Shënimet
^ Shih Fjalorthin.
^ Fjalë për fjalë «pa u mpirë».
^ Shih Fjalorthin.
^ Fjalë për fjalë «më soset fryma».
^ Ose «muzikën time me instrumente me tela».
^ Fjalë për fjalë «fryma ime heton».
^ Ose «ç’ma shpon shpirtin».
^ Fjalë për fjalë «e ke shpenguar». Shih Fjalorthin, «Shpërblesa; Shpengimi».
^ Ose «Nën kujdesin».
